مەملەكەتتىك دامۋدىڭ ولشەمىمەن العاندا قازاقستاندا كۇردەلى رەفورمالار قولعا الىنىپ، دەموكراتيالىق قۇندىلىقتاردى ورنىقتىرۋ، ساياسي رەفورمالاردى جۇزەگە اسىرۋ باعىتىندا جۇيەلى ىستەر اتقارىلىپ كەلەدى. ەلىمىزدەگى رەفورمالار پاكەتىنىڭ نەگىزگى باعىتتارىنا توقتالساق زاماناۋي وزگەرىستەردىڭ ايقىن دالەلى مەن پراكتيكالىق تۇرعىدا ىسكە اسقانىنىڭ ناقتى ناتيجەسىن كورە الامىز.
2021 جىلى اۋىل اكىمدەرىن سايلاۋ مەحانيزمى ىسكە قوسىلسا، 2025 جىلدان باستاپ وبلىستىق ماڭىزى بار قالا مەن اۋدان اكىمدەرىن سايلاۋ پروتسەسى جۇمىس ىستەيتىن بولادى. بۇل جەرگىلىكتى مەملەكەتتىك باسقارۋ ورگاندارىن زامانعا ساي جەتىلدىرەتىن، پروگرەسسيۆتى باستامالاردىڭ ءبىرى دەپ ەسەپتەيمىن.
اۋداندىق، قالالىق ماسليحاتتار تولىعىمەن ماجوريتارلىق جۇيەمەن، وبلىستىق ماسليحاتتار 50/50 پايىز ارالاس جۇيەمەن سايلانعان رەفورما ىسكە اسىرىلدى. بۇل پارتيالىق باسەكەنى ارتتىرىپ، ازاماتتىق قوعامنىڭ دامۋىنا تىكەلەي ىقپال ەتەتىن وڭ وزگەرىس.
«ادىلەتتى قازاقستان» تۇجىرىمداماسى اياسىندا قاراپايىم ەڭبەك ادامدارى ۇلىقتالىپ، ادال ەڭبەك ۇعىمىن كەڭىنەن ناسيحاتتاۋ مەملەكەتتىك ساياساتتىڭ باستى باعدارىنا اينالدى.
ەلىمىزدىڭ بولاشاعى جاستارعا ءبىلىم بەرەتىن مۇعالىمدەردىڭ جالاقىسى ارتتى. عىلىمعا دەگەن مەملەكەتتىك قولداۋدىڭ اياسى كەڭەيدى. بۇگىنگى كۇنى عىلىمعا بولىنگەن گرانتتار سانى جۇيەلى تۇردە ءوسىپ كەلەدى ءارى شەتەلدىك وزىق وقۋ ورىندارىنىڭ فيليالدارى رەسپۋبليكامىزدىڭ وڭىرلەرىندە اشىلا باستادى.
«جايلى مەكتەپ» باعدارلاماسى اسىندا اۋداندار مەن شاعىن قالالاردا، ايماقتاردا زاماناۋي ءبىلىم بەرۋ وشاقتارى ىسكە قوسىلۋدا.
«حالىق ۇنىنە قۇلاق اساتىن مەملەكەت» كونتسەپتسياسى اياسىندا كۇردەلى ماسەلەلەردى حالقىمىزبەن كەڭەسە شەشەتىن رەفەرەندۋم پروتسەسى مەن قوعامدىق كەڭەستەر جۇيەلى جۇمىس ىستەپ كەلەدى.
رەسپۋبليكامىزدا ايماقتاردى دامىتۋدىڭ كەشەندى شارالارى قابىلدانىپ، جاڭا وبلىستار، اۋداندار مەن قالالاردى دامىتۋدىڭ مەملەكەتتىك باعدارلامالارى بەكىتىلدى.
لوگيستيكالىق مۇمكىندىكتەرىمىزدى ءتيىمدى پايدالانۋ ماقساتىندا تەمىر جول، كولىك جولدارىنىڭ جاڭا باعىتتارىن سالۋ، كۇردەلى جوندەۋدەن وتكىزۋ سىندى كەشەندى شارالار قابىلدانىپ، ىسكە اسۋدا.
ەڭ باستىسى گەوساياسي كۇردەلى شارتتاردا قازاقستان ەلدىڭ تىنىشتىعىن ساقتاي وتىرىپ، مەملەكەتتى دامىتۋدىڭ جان-جاقتى ەلەپ-ەكشەنگەن، ولشەپ-پىسىلگەن پراگماتيكالىق جولىن ورنىقتىرىپ، ءبىر ۇلت بولىپ ۇيىسىپ، وتانىمىزدى العا دامىتۋدىڭ بەيبىت جولىن قالىپتاستىرا بىلدىك.
باۋىرجان سەرىكباەۆ
