Memlekettık damudyŋ ölşemımen alǧanda Qazaqstanda kürdelı reformalar qolǧa alynyp, demokratiialyq qūndylyqtardy ornyqtyru, saiasi reformalardy jüzege asyru baǧytynda jüielı ıster atqarylyp keledı. Elımızdegı reformalar paketınıŋ negızgı baǧyttaryna toqtalsaq zamanaui özgerısterdıŋ aiqyn dälelı men praktikalyq tūrǧyda ıske asqanynyŋ naqty nätijesın köre alamyz.
2021 jyly auyl äkımderın sailau mehanizmı ıske qosylsa, 2025 jyldan bastap oblystyq maŋyzy bar qala men audan äkımderın sailau prosesı jūmys ısteitın bolady. Būl jergılıktı memlekettık basqaru organdaryn zamanǧa sai jetıldıretın, progressivtı bastamalardyŋ bırı dep esepteimın.
Audandyq, qalalyq maslihattar tolyǧymen majoritarlyq jüiemen, oblystyq maslihattar 50/50 paiyz aralas jüiemen sailanǧan reforma ıske asyryldy. Būl partiialyq bäsekenı arttyryp, azamattyq qoǧamnyŋ damuyna tıkelei yqpal etetın oŋ özgerıs.
«Ädılettı Qazaqstan» tūjyrymdamasy aiasynda qarapaiym eŋbek adamdary ūlyqtalyp, adal eŋbek ūǧymyn keŋınen nasihattau memlekettık saiasattyŋ basty baǧdaryna ainaldy.
Elımızdıŋ bolaşaǧy jastarǧa bılım beretın mūǧalımderdıŋ jalaqysy artty. Ǧylymǧa degen memlekettık qoldaudyŋ aiasy keŋeidı. Bügıngı künı ǧylymǧa bölıngen granttar sany jüielı türde ösıp keledı ärı şeteldık ozyq oqu oryndarynyŋ filialdary respublikamyzdyŋ öŋırlerınde aşyla bastady.
«Jaily mektep» baǧdarlamasy asynda audandar men şaǧyn qalalarda, aimaqtarda zamanaui bılım beru oşaqtary ıske qosyluda.
«Halyq ünıne qūlaq asatyn memleket» konsepsiiasy aiasynda kürdelı mäselelerdı halqymyzben keŋese şeşetın referendum prosesı men qoǧamdyq keŋester jüielı jūmys ıstep keledı.
Respublikamyzda aimaqtardy damytudyŋ keşendı şaralary qabyldanyp, jaŋa oblystar, audandar men qalalardy damytudyŋ memlekettık baǧdarlamalary bekıtıldı.
Logistikalyq mümkındıkterımızdı tiımdı paidalanu maqsatynda temır jol, kölık joldarynyŋ jaŋa baǧyttaryn salu, kürdelı jöndeuden ötkızu syndy keşendı şaralar qabyldanyp, ıske asuda.
Eŋ bastysy geosaiasi kürdelı şarttarda Qazaqstan eldıŋ tynyştyǧyn saqtai otyryp, memlekettı damytudyŋ jan-jaqty elep-ekşengen, ölşep-pısılgen pragmatikalyq jolyn ornyqtyryp, bır ūlt bolyp ūiysyp, Otanymyzdy alǧa damytudyŋ beibıt jolyn qalyptastyra bıldık.
Bauyrjan Serıkbaev
