مەملەكەت باسشىسى قاسىم-جومارت توقاەۆ امەريكا قۇراما شتاتتارى پرەزيدەنتىنىڭ سايلاۋىندا ايقىن جەڭىسكە جەتكەن دونالد ترامپقا قۇتتىقتاۋ جەدەلحاتىن جولدادى، دەپ حابارلايدى «ادىرنا» ۇلتتىق پورتالى اقوردا ءباسپاسوز قىزمەتىنە سىلتەپ.
قازاقستان پرەزيدەنتى قاۋىپسىزدىك، يادرولىق قارۋدى تاراتپاۋ، ينۆەستيتسيا سالالارىنداعى ەكىجاقتى ىنتىماقتاستىق دايەكتى تۇردە دامي بەرەتىنىنە سەنىم ءبىلدىردى.
قاسىم-جومارت توقاەۆ دونالد ترامپقا امەريكا حالقىنىڭ ءوسىپ-وركەندەۋى جولىنداعى، سونداي-اق جاھاندىق تۇراقتىلىق پەن قاۋىپسىزدىكتى قامتاماسىز ەتۋدەگى قىزمەتىنە تابىس تىلەدى.
بۇگىن پرەزيدەنت قاسىم-جومارت توقاەۆ تۇركى مەملەكەتتەرى ۇيىمىنىڭ سامميتىنە قاتىسۋ ءۇشىن بىشكەك قالاسىنا بارعان ەدى.
بىشكەكتە تۇركى مەملەكەتتەرى ۇيىمىنىڭ كەزەكتى XI ءسامميتى ءوتىپ جاتىر. ءسامميتتىڭ تاقىرىبى – «تۇركى الەمىن نىعايتۋ: ەكونوميكالىق ينتەگراتسيا، تۇراقتى دامۋ، تسيفرلىق بولاشاق جانە بارشاعا قاۋىپسىزدىك». سامميت جۇمىسىنا ۇيىمعا مۇشە مەملەكەتتەردىڭ باسشىلارى، سونداي-اق تمۇ-نىڭ باقىلاۋشى ەلدەرىنىڭ كوشباسشىلارى قاتىسادى.
