تەحنيكالىق بايقاۋدا وزگەرىستەر

3556
Adyrna.kz Telegram

 

مينيسترلىك تەحنيكالىق بايقاۋ ورتالىقتارىندا ورناتىلعان جابدىقتارعا سايكەس كەلەتىن مامانداندىرىلعان باعدارلامالىق قامتاماسىز ەتۋگە قويىلاتىن تالاپتاردى ازىرلەدى.

تەحنيكالىق بايقاۋ ورتالىقتارىندا ورناتىلعان وسى باعدارلامالاردىڭ ارقاسىندا باقىلاۋ-دياگنوستيكالىق قۇرالدار ارقىلى كورسەتكىشتەردىڭ ناتيجەلەرى بەلگىلى بولادى، ونىڭ قورىتىندىسى بويىنشا دياگنوستيكالىق كارتا بەرىلەدى. قازىرگى تاڭداعى بارلىق بۇزىلۋلار فوتوشوپتار بولىپ تابىلادى، ءاۆتوموبيلدىڭ ءوزىن ۇسىنباي تەحنيكالىق بايقاۋدى وتكىزۋ، وسى باعدارلامالاردىڭ بەلگىلى ءبىر تالاپتارعا سايكەس كەلمەۋىنەن تۋىندايدى. جاڭا تالاپتاردا تەحنيكالىق بايقاۋ ناتيجەلەرىن قولمەن ەنگىزۋدى بولدىرمايتىن بارلىق نيۋانستار كوزدەلگەن. جاڭا تالاپتار بويىنشا تەحنيكالىق بايقاۋدى وتكىزۋ ۇدەرىسى جاقسارادى، سونداي-اق ونىڭ ساپاسى ارتادى.

تەحنيكالىق بايقاۋعا قاتىستى قر زاڭناماسىنداعى سوڭعى وزگەرىستەرگە بايلانىستى، بايقاۋدان ءوتۋ ءراسىمى بۇرىنعىداي قالدى، وزگەرىستەر تەك باعدارلامالىق قامتاماسىز ەتۋدىڭ تەحنيكالىق بولىگىنە عانا قاتىستى بولدى، ونىڭ ماقساتى اۆتوموبيلدەردى تەكسەرۋ ساپاسىن جانە دياگنوستيكالىق باقىلاۋ جابدىقتارىنان بەرىلەتىن مالىمەتتەردىڭ دۇرىستىعىن جاقسارتۋ بولىپ تابىلادى.

قر يدم كولىك كوميتەتىنىڭ ءباسپاسوز قىزمەتى

"ادىرنا" ۇلتتىق پورتالى

پىكىرلەر