پرەزيدەنت قىتاي حالىق رەسپۋبليكاسىنىڭ قازاقستانداعى ەلشىسى چجان سياومەن اڭگىمەلەسۋ بارىسىندا ەكىجاقتى ىنتىماقتاستىقتىڭ قارقىندى دامىپ كەلە جاتقانىنا توقتالدى، دەپ حابارلايدى «ادىرنا» ۇلتتىق پورتالى.
اقوردانىڭ رەسمي سايتىنىڭ جازۋىنشا، قاسىم-جومارت توقاەۆ قازاقستاننىڭ قىتايمەن بارلىق باعىت بويىنشا ىقپالداستىقتى جانداندىرۋعا نيەتتى ەكەنىن جەتكىزگەن.
«كەزدەسۋدە ساۋدا، اۋىل شارۋاشىلىعى، ەنەرگەتيكا، جاڭا تەحنولوگيا، كولىك جانە لوگيستيكا سالالارىنداعى ءوزارا ءتيىمدى قاتىناستاردى ودان ءارى ارتتىرۋ ماڭىزدى ەكەنى اتاپ ءوتىلدى. سونداي-اق مادەني-گۋمانيتارلىق بايلانىستاردى نىعايتۋ ماسەلەسىنە دە نازار اۋدارىلدى»، - دەلىنگەن اقپاراتتا.
ايتا كەتەيىك، 2020 جىلى قازاقستان رەسپۋبليكاسىنىڭ سىرتقى ىستەر مينيسترلىگىندە قىتايدىڭ قازاقستانداعى ەلشىسى چجان سياومەن كەزدەسۋ بارىسىندا قازاقستاندىق تاراپ قىتايلىق www.sohu.com سايتىنداعى «قازاقستان نەگە قىتايعا ورالۋعا تىرىسادى» اتتى ماقالاعا قاتىستى نارازىلىق بىلدىرگەن بولاتىن.
«قىتاي ەلشىسىنە مۇنداي سيپاتتاعى ماقالانىڭ جاريالانۋى 2019 جىلعى 11 قىركۇيەكتە مەملەكەت باسشىلارى قول قويعان قازاقستان رەسپۋبليكاسى مەن قىتاي حالىق رەسپۋبليكاسىنىڭ بىرلەسكەن مالىمدەمەسىندە ايقىندالعان ماڭگىلىك جان-جاقتى ستراتەگيالىق ارىپتەستىك رۋحىنا سايكەس كەلمەيتىندىگى اتاپ ءوتىلدى»،- دەپ جەتكىزگەن ەدى سىرتقى ىستەر مينيسترلىگى.
ءبىر ەسكەرەتىنى، سياونىڭ ءوزى داۋلى مالىمدەمەلەرىمەن جانە جەرگىلىكتى ءباسپاسوز وكىلدەرىنە قارسى اگرەسسياسىمەن تانىمال.
چجان سياو 1964 جىلى جەلتوقساندا قىتايدىڭ گۋاندۋن پروۆينتسياسىنداعى سيننين قالاسىندا دۇنيەگە كەلگەن. 1987-1988 جىلدار ارالىعىندا قىتاي حالىق رەسپۋبليكاسى سىرتقى ىستەر مينيسترلىگى حاتتاما دەپارتامەنتىنىڭ قىزمەتكەرى;
2014-2017 جج – قىتايدىڭ رەسەي فەدەراتسياسىنداعى ەلشىلىگىنىڭ وكىلى;
2001-2003 جج – قىتايدىڭ بەلارۋس رەسپۋبليكاسىنداعى ەلشىلىگىنىڭ كەڭەسشىسى;
2017-2018 جج – قىتاي حالىق رەسپۋبليكاسى سىرتقى ىستەر مينيسترلىگىنىڭ ەۋروپا جانە ورتالىق ازيا دەپارتامەنتىندە جۇمىس ىستەيدى (دەپارتامەنت ديرەكتورى دەڭگەيىندە);
2018 جىلعى 31 تامىزدان باستاپ قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى.
«ادىرنا» ۇلتتىق پورتالى
