Qazaqstan Prezidentı Qasym-Jomart Toqaev fransuz Le Figaro gazetıne maqala jazyp, Qazaqstan men Fransiia arasyndaǧy yntymaqtastyqtyŋ negızgı baǧyttaryn atap öttı, dep habarlaidy “Adyrna” ūlttyq portaly.
Qazaqstannyŋ halyqaralyq diplomatiiadaǧy rölın keltırgen Toqaevtyŋ maqalasy "Qazaqstan – Fransiia üşın strategiialyq jäne senımdı serıktes" dep atalady.Aqparatqa säikes, būl prezidenttıŋ Parijge tūŋǧyş ret memlekettık sapary bolǧandyqtan, osyndai maqala jariialaǧan.
Maqalada Toqaev klimattyŋ özgeruı jäne köşı-qon siiaqty zamanaui jahandyq syn-qaterlerdıŋ qaupın atap öttı. Prezident älemdık arenada "orta derjavalardyŋ" rölın küşeituge nazar audardy. Onyŋ aituynşa, Qazaqstan teŋgerımdı syrtqy saiasatty ūstanady jäne bıtımgerşılık üderısterın qoldaidy.
Sondai-aq, Toqaev Qazaqstan men Fransiianyŋ sirek jer metaldaryn öndıru, "jasyl" energetika jäne atom önerkäsıbı salasyndaǧy yntymaqtastyqqa müddelı ekenın atap öttı. Ol Qazaqstanda atom elektr stansiiasyn salu boiynşa referendum Europanyŋ energetikalyq qauıpsızdıgın nyǧaituǧa mümkındıkter aşatynyn basa aitty. Taraptar būl salalardy damytu üşın byltyr Fransiia prezidentı Emmanuel Makronnyŋ Qazaqstanǧa kelgenın de atap öttı.
Eske salaiyq, byltyr Emmanuel Makron Qazaqstanǧa memlekettık saparmen kelgen bolatyn. Oǧan Memleket basşysy ekı qazaqy tazynyŋ küşıgın syilady. Makron tazy küşıkterıne Jiul jäne Janna degen esım bergen edı.
Aita ketsek, būǧan deiın Memleket basşysynyŋ Fransiiaǧa memlekettık saparmen barǧany turaly habarladyq.
