6 قاراشادا بىشكەك قالاسىندا تۇركى مەملەكەتتەرى ۇيىمى باسشىلارىنىڭ 11 ءسامميتى وتەدى. وعان قازاقستان، قىرعىزستان، ازەربايجان، تۇركىسمەنستان، تۇركيا جانە وزبەكستان پرەزيدەنتتەرى، ۆەنگريا پرەمەرى جانە تمۇ باس حاتشىسى قاتىسادى دەپ جوسپارلانىپ وتىر. قازاقستان پرەزيدەنتى قاسىم-جومارت توقاەۆ 5-6 قاراشاداعى فرانتسياعا مەملەكەتتىك ساپارىنان كەيىن بىشكەككە بارماق.
باسشىلار ەكونوميكا، ساۋدا، تسيفرلىق ترانسفورماتسيا، كولىك جانە قاۋىپسىزدىك سالالارىنداعى تمۇ جوبالارىنا قاتىستى رەسمي قۇجاتتاردى بەكىتپەك.
بۇگىن، 4 قاراشادا تۇركيا پرەزيدەنتى رەجەپ تايىپ ەردوعان تۇركى مەملەكەتتەرى ۇيىمى باسشىلارىنىڭ 11-ءشى سامميتىنە قاتىسۋ ءۇشىن قىرعىزستانعا ساپارلادى، دەپ حابارلاعان رەسمي باق.
ول جەرگىلىكتى ۋاقىت بويىنشا ساعات 13.20-دا ىستامبۇلداعى اتاتۇرىك اۋەجايىنان ۇشىپ كەتتى. مەملەكەت باسشىسىن گۋبەرناتور داۆۋت گۇل مەن باسقا دا رەسمي تۇلعالار شىعارىپ سالدى.
بۇعان دەيىن قىرعىزستان پرەزيدەنت اكىمشىلىگىنىڭ سىرتقى ساياسات ءبولىمىنىڭ جەتەكشىسى مۇراتبەك ازىمباكيەۆ ساپار بارىسىندا قىرعىزستان مەن تۇركيا باسشىلارى شاعىن قۇرامدا كەزدەسەتىنىن مالىمدەگەن ەدى. ودان بولەك، ستراتەگيالىق ىنتىماقتاستىق جونىندەگى جوعارعى كەڭەستىڭ التىنشى وتىرىسىن وتكىزىلۋ جوسپارلانىپ وتىر.
تۇركيا پرەزيدەنتى بۇل ەلگە سوڭعى رەت 2018 جىلى بارعان بولاتىن.
