سۋ تاسقىنىنان زارداپ شەككەن ايماققا بارعان يسپانيا كورولى فيليپپ VI مەن ونىڭ ايەلى لەتيتسياعا ۆالەنسيالىقتار شابۋىل جاسادى، دەپ حابارلايدى «ادىرنا» ءتىلشىسى.
كورول بۇل ايماققا جويقىن سۋ تاسقىنىنان زارداپ شەككەندەردى قولداۋ ءۇشىن كەلگەن بولاتىن. الايدا تۇرعىندار ونى «قانىشەر» دەپ اتاپ، ءوز نارازىلىقتارىن ءبىلدىردى. ايتۋلارىنشا، توتەنشە جاعداي كەزىندە بيلىك دەر كەزىندە ارەكەت ەتپەي، باياۋ قيمىلداعان. كوپشىلىكتىڭ پىكىرىن تىڭداعان فيليپپ VI ەلدى سابىرعا شاقىرىپ، ارى قاراي كوشەلەردى ارالاپ شىقتى.
قازان ايىنىڭ سوڭىندا يسپانيانىڭ شىعىسىندا قاتتى جاڭبىر جاۋىپ، ۆالەنسيا پروۆينتسياسىندا سۋ تاسقىنى بولعان ەدى. سوڭعى مالىمەتتەر بويىنشا، توتەنشە جاعداي سالدارىنان 200-دەن استام ادام قازا تاپقان.
ايتا كەتەيىك، بۇل اپات — يسپانيادا سوڭعى 1973 جىلدان بەرگى بولىپ تۇرعان ەڭ اۋىر سۋ تاسقىنى.
