مەملەكەت باسشىسى نوۆي-ساد قالاسىنداعى تەمىرجول ۆوكزالىندا بولعان قايعىلى وقيعا سالدارىنان كوپتەگەن ادامنىڭ قازا تابۋىنا بايلانىستى سەربيا پرەزيدەنتى الەكساندر ۆۋچيچكە كوڭىل ايتتى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
– وسىنداي اۋىر ساتتە دوستاس سەربيا حالقىنىڭ قايعى-قاسىرەتىنە ورتاقتاسىپ، بارشا قازاقستاندىقتاردىڭ جانە جەكە ءوز اتىمنان سىزگە، جاقىندارىنان ايىرىلعان وتباسىلارعا قايعىرا كوڭىل ايتامىن. وقىس وقيعادا باقيلىق بولعانداردىڭ تۋىستارىنا سابىر، ال زارداپ شەككەن جانداردىڭ تەز ارادا ساۋىعىپ كەتۋىن تىلەيمىن،– دەپ جازىلعان جەدەلحاتتا.
ەسكە سالا كەتەيىك، نوۆي-ساد قالاسىنداعى تەمىرجول ۆوكزالىندا بەتون شاتىر قۇلاپ، 14 ادام قازا تاپقان ەدى. وسىعان بايلانىستى سەربيا بيلىگى 2 قاراشانى ازا تۇتۋ كۇنى دەپ جاريالادى.
