Memleket basshysy Novı-Sad qalasyndaǵy temirjol vokzalynda bolǵan qaıǵyly oqıǵa saldarynan kóptegen adamnyń qaza tabýyna baılanysty Serbııa Prezıdenti Aleksandr Výchıchke kóńil aıtty, dep habarlaıdy "Adyrna" ulttyq portaly Aqordanyń baspasóz qyzmetine silteme jasap.
– Osyndaı aýyr sátte dostas Serbııa halqynyń qaıǵy-qasiretine ortaqtasyp, barsha qazaqstandyqtardyń jáne jeke óz atymnan Sizge, jaqyndarynan aıyrylǵan otbasylarǵa qaıǵyra kóńil aıtamyn. Oqys oqıǵada baqılyq bolǵandardyń týystaryna sabyr, al zardap shekken jandardyń tez arada saýyǵyp ketýin tileımin,– dep jazylǵan jedelhatta.
Eske sala keteıik, Novı-Sad qalasyndaǵy temirjol vokzalynda beton shatyr qulap, 14 adam qaza tapqan edi. Osyǵan baılanysty Serbııa bıligi 2 qarashany aza tutý kúni dep jarııalady.
