2 قاراشا كۇنى الماتىدان وڭتۇستىك-شىعىسقا قاراي 258 شاقىرىم جەردە، استانا ۋاقىتى بويىنشا 10:50-دە جەر سىلكىنىسى تىركەلدى، دەپ حابارلايدى «ادىرنا» ۇلتتىق پورتالى.
قر توتەنشە جاعدايلار مينيسترلىگىنىڭ ءباسپاسوز قىزمەتىنىڭ ايتۋىنشا، «ننتسسني» جشس سەيسميكالىق ستانسالار جەلىسى قىرعىزستان مەن قىتاي شەكاراسىندا جەر سىلكىنىسىنىڭ وشاعىن تىركەدى.
«ەسەپتەلگەن قارقىندىلىق الماتى وبلىسى، رايىمبەك اۋدانى، نارىنقول اۋىلى مەن كەگەن اۋدانى، كەيگەن اۋىلىنىڭ تاۋلى ايماعىندا ەكى باللدى قۇرادى. زارداپ شەككەندەر تۋرالى اقپارات تۇسكەن جوق»، - دەپ حابارلادى قر توتەنشە جاعدايلار مينيسترلىگى.
بۇعان دەيىن جەر استى ءدۇمپۋى 2024 جىلدىڭ 26 قازانىندا جەتىسۋ اۋدانىنداعى لەپسى اۋىلىنان باتىسقا قاراي 30 شاقىرىم جەردە تىركەلگەن بولاتىن. قازاقستاندىق سەيسمولوگتار ولاردىڭ ماگنيتۋداسىن 3,6 بالل دەپ باعالادى.
