2 qarasha kúni Almatydan ońtústik-shyǵysqa qaraı 258 shaqyrym jerde, Astana ýaqyty boıynsha 10:50-de jer silkinisi tirkeldi, dep habarlaıdy «Adyrna» ulttyq portaly.
QR Tótenshe jaǵdaılar mınıstrliginiń baspasóz qyzmetiniń aıtýynsha, «NNSNıI» JShS seısmıkalyq stansalar jelisi Qyrǵyzstan men Qytaı shekarasynda jer silkinisiniń oshaǵyn tirkedi.
«Eseptelgen qarqyndylyq Almaty oblysy, Raıymbek aýdany, Narynqol aýyly men Kegen aýdany, Keıgen aýylynyń taýly aımaǵynda eki balldy qurady. Zardap shekkender týraly aqparat túsken joq», - dep habarlady QR Tótenshe jaǵdaılar mınıstrligi.
Buǵan deıin jer asty dúmpýi 2024 jyldyń 26 qazanynda Jetisý aýdanyndaǵy Lepsi aýylynan batysqa qaraı 30 shaqyrym jerde tirkelgen bolatyn. Qazaqstandyq seısmologtar olardyń magnıtýdasyn 3,6 ball dep baǵalady.
