ماندات الاتىن دەپۋتاتتار سانى مەن قۇرىلتاي سايلاۋىنىڭ قورىتىندىسى جاريالاندى

ورتالىق سايلاۋ كوميسسياسى قۇرىلتاي دەپۋتاتتارىن سايلاۋدىڭ قورىتىندى ناتيجەلەرىن جاريالادى، دەپ حابارلايدى "ادىرنا" ۇلتتىق پورتالى.

وسك توراعاسى نۇرلان ءابدىروۆتىڭ مالىمەتىنشە، سايلاۋشىلار تىزىمىنە 12 623 289 ازامات ەنگىزىلگەن. داۋىس بەرۋگە 9 351 539 ادام، ياعني سايلاۋشىلاردىڭ 74,8 پايىزى قاتىستى.

پارتيالار جيناعان داۋىس ۇلەسى مىناداي:

• «ادىلەت» پارتياسى – 71,17 پايىز;

• «اۋىل» پارتياسى – 6,26 پايىز;

• Respublica – 5,56 پايىز;

• «اق جول» پارتياسى – 5,21 پايىز;

• جسدپ – 5,11 پايىز;

• قازاقستان حالىق پارتياسى – 3,11 پايىز;

• «بايتاق» قازاقستان جاسىلدار پارتياسى – 1,07 پايىز;

• «بارىنە قارسى» – 2,51 پايىز.

قۇرىلتايعا ءوتۋ ءۇشىن پارتيالار سايلاۋشىلاردىڭ كەمىندە 5 پايىز داۋىسىن جيناۋى قاجەت بولدى.

وسى ناتيجەگە سايكەس، قۇرىلتايداعى مانداتتار بەس پارتيا اراسىندا ءبولىندى. «ادىلەت» پارتياسى 110 ماندات، «اۋىل» پارتياسى 10, Respublica 9, «اق جول» پارتياسى 8, ال جسدپ 8 ماندات الدى.

وسىلايشا، قۇرىلتايدىڭ 145 دەپۋتاتى پارتيالىق تىزىمدەر بويىنشا سايلاندى.

ايتا كەتەيىك، قۇرىلتاي دەپۋتاتتارىن سايلاۋ 23 تامىزدا ءوتتى. داۋىس بەرۋ ۋچاسكەلەرى ساعات 07:00-دەن 20:00-گە دەيىن جۇمىس ىستەدى.