يزرايل اسكەرى گازا سەكتورىندا حاماس راديكالدى پالەستينالىق قوزعالىسىنىڭ ساياسي بيۋروسىنىڭ سوڭعى باسشىسى يززەددين كاسسابتى ءولتىردى، دەپ حابارلايدى “ادىرنا” ۇلتتىق پورتالى TACC-قا سىلتەپ.
يززەدين كاسساب حان-يۋنيس قالاسى ماڭىندا يزرايل اسكەري-اۋە كۇشتەرىنىڭ بارلاۋ دەرەكتەرى نەگىزىندە جاسالعان ءدال سوققىسىنىڭ ناتيجەسىندە قازا تاپقان.
"كاسساب گازا سەكتورىندا ءتىرى قالعان حاماس ساياسي بيۋروسىنىڭ جوعارى لاۋازىمدى سوڭعى مۇشەلەرىنىڭ ءبىرى بولعان. ونىمەن بىرگە ونىڭ كومەكشىسى، جاۋىنگەر ايمان ايەش تە جويىلدى", - دەلىنگەن مالىمدەمەدە.
يزرايل ارمياسى كاسسابتى ەۆرەي مەملەكەتىنە قارسى تەراكتتاردى ۇيىمداستىرۋعا قاتىسى بار دەپ مالىمدەيدى. ول "ۇلكەن بيلىككە يە" بولىپ، گازا سەكتورىنداعى باسقا پالەستينالىق فراكتسيالارمەن حاماس-تىڭ "ستراتەگيالىق جانە اسكەري بايلانىستارىن" قولداۋمەن اينالىسقان.
