Izraıl áskeri Gaza sektorynda HAMAS radıkaldy palestınalyq qozǵalysynyń saıası bıýrosynyń sońǵy basshysy Izzeddın Kassabty óltirdi, dep habarlaıdy “Adyrna” ulttyq portaly TACC-qa siltep.
Izzedın Kassab Han-Iýnıs qalasy mańynda Izraıl Áskerı-áýe kúshteriniń barlaý derekteri negizinde jasalǵan dál soqqysynyń nátıjesinde qaza tapqan.
"Kassab Gaza sektorynda tiri qalǵan HAMAS saıası bıýrosynyń joǵary laýazymdy sońǵy músheleriniń biri bolǵan. Onymen birge onyń kómekshisi, jaýynger Aıman Aıesh te joıyldy", - delingen málimdemede.
Izraıl armııasy Kassabty evreı memleketine qarsy terakttardy uıymdastyrýǵa qatysy bar dep málimdeıdi. Ol "úlken bılikke ıe" bolyp, Gaza sektoryndaǵy basqa palestınalyq frakııalarmen HAMAS-tyń "strategııalyq jáne áskerı baılanystaryn" qoldaýmen aınalysqan.
