جاڭا سەمەستردەن باستاپ قازۇۋ ستۋدەنتتەرى يننوۆاتسيالىق IT جابدىقتارىمەن وقي الادى، دەپ حابارلايدى "ادىرنا" ۇلتتىق پورتالى.
30 قازاندا ءال-فارابي اتىنداعى قازاق ۇلتتىق ۋنيۆەرسيتەتىندە Halyk Academy كوپفۋنكتسيونالدى زەرتحاناسى مەن كوۆوركينگ-ايماعى اشىلدى. بۇل – Halyk بانكى مەن ەلىمىزدىڭ IT-سالاسىنداعى جەتەكشى ۋنيۆەرسيتەتتەردىڭ بىرلەسكەن جوباسى. جاڭا اكادەميا قازۇۋ ستۋدەنتتەرىنە IT-سالانى زەرتتەۋ ءۇشىن جاڭا تەحنولوگيالار مەن مۇمكىندىكتەر بەرەدى. بۇدان بولەك، ستۋدەنتتەر Halyk بانكىنىڭ بيزنەس بويىنشا دەپارتامەنتتەرىنىڭ ماماندارىنان ءدارىس الىپ، ءارى قاراي بانكتە تاعىلىمدامادان ءوتۋ مۇمكىندىگىن الادى.
"بۇگىندە قازاقستاندا ەل ىشىندە دە، جاھاندىق نارىق ءۇشىن دە وزىق سەرۆيستەر مەن تەحنولوگيالاردى قۇرۋعا قولايلى ينفراقۇرىلىم قالىپتاستى. بۇل قارجىلىق قىزمەتتەردىڭ بۇكىل الەمدە تەڭدەسى جوق. قازاقستاندىق جوعارى وقۋ ورىندارىنىڭ ستۋدەنتتەرى مەن تۇلەكتەرىنىڭ وسى پروگرەسكە قاتىسۋعا مۇمكىندىگى بار. سوندىقتان Halyk-تا بانك ىشىندە عانا ەمەس، سونداي-اق، ەلىمىزدىڭ باس جوعارى وقۋ ورىندارىندا دا جوعارى تەحنولوگيالىق زەرتحانالار قۇرۋعا باسىمدىق بار. ءبىز ءۇشىن Halyk Academy-ءدى قازاقستاننىڭ ايگىلى ۋنيۆەرسيتەتىندە اشۋىمىزدىڭ ماڭىزى زور. سەبەبى قازۇۋ كوپتەگەن جىلدار بويى قازاقستاندىق جانە حالىقارالىق كومپانيالار ءۇشىن ماماندار شىعارىپ كەلەدى", - دەدى Halyk باسقارما توراعاسىنىڭ ورىنباسارى داۋرەن سارتاەۆ.
قازۇۋ-داعى جاڭا Halyk Academy باعدارلامالاۋ مەن جوبالاۋعا ارنالعان يننوۆاتسيالىق تەحنولوگيالار مەن جاڭا جابدىقتاردى، سونداي-اق جاڭا يدەيالاردى بىرلەسىپ قالىپتاستىرۋعا جانە ءوز جوبالارىن جاساۋ ءۇشىن حاكاتونداردى ۇيىمداستىرۋعا مۇمكىندىك بەرەتىن ارنايى كوۆوركينگ-ايماقتى بىرىكتىرەتىن بولادى.
"بۇگىن ءبىزدىڭ ۋنيۆەرسيتەت ءۇشىن ماڭىزدى وقيعا، ويتكەنى Halyk اتىنان ەلىمىزدىڭ ەڭ ءىرى قارجى جۇمىس بەرۋشىسى بىزدە اقپاراتتىق تەحنولوگيالار فاكۋلتەتىندە Halyk Academy زەرتحاناسىن اشىپ جاتىر. جاڭا زەرتحانادا ءبىزدىڭ ستۋدەنتتەر ءبىلىم الىپ، قاجەتتى داعدىلاردى يگەرەدى، سونىڭ ىشىندە بانك سالاسىنداعى جۇمىس بويىنشا. ءبىر قىزىعى، Halyk Academy اقپاراتتىق تەحنولوگيالار فاكۋلتەتىندە اشىلدى، وندا بۇگىندە ءبىزدىڭ ەكونوميكامىزعا جانە الەۋمەتتىك ومىرىمىزگە جاساندى ينتەللەكتتى دامىتۋ جانە ەنگىزۋ بويىنشا ەڭ ءىرى زەرتتەۋلەر جۇرگىزىلىپ جاتىر، ال بۇل عىلىمنىڭ دامۋىنا زور پايدا اكەلەدى", - دەدى قازۇۋ-دىڭ ءبىرىنشى پرورەكتورى ەركىن دۇيسەنوۆ.
Halyk جانە قازۇۋ ىنتىماقتاستىعىنىڭ ارقاسىندا ستۋدەنتتەر ورتالىق ازيانىڭ باستى بانكتەرىنىڭ ءبىرى - Halyk-تا تاعىلىمدامادان ءوتۋ مۇمكىندىگىنە يە بولادى جانە بانكتىڭ IT-دەپارتامەنتتەرىنىڭ شتاتتىق قىزمەتكەرلەرى رەتىندە كاسىبي دامۋ مۇمكىندىگىنە يە بولادى.
اشىلۋ سالتاناتىنان كەيىن Halyk senior-قىزمەتكەرلەرىنىڭ ءبىرى اقپاراتتىق تەحنولوگيالار فاكۋلتەتىنىڭ ستۋدەنتتەرىنە ءدارىس وقىدى، ونىڭ بارىسىندا Data Science سالاسىنداعى تاجىريبەسىن ءبولىسىپ، Halyk-تىڭ وزىق بانكتىك تەحنولوگيالارى تۋرالى ايتتى.
بۇل - قازاقستاننىڭ جوعارى وقۋ ورىندارىندااشىلعانبەسىنشىHalykAcademy.بۇعان دەيىن Halyk مۇندايزەرتحانالاردىقبتۋ،حاتۋ، SatbayevUniversity جانە سدۋ-عاسىيعا تارتقان بولاتىن. سونداي-اق، جاقىنداHalykAlmaU-دا بيزنەسستۋدەنتتەرىۇشىنارنايىكوۆوركينگايماعىنقۇردى.
ايتا كەتەيىك، Halyk start باعدارلاماسى بويىنشا سوڭعى جىلدارى تاعىلىمدامادان وتۋشىلەر مەن شتاتتىق قىزمەتكەرلەر لاۋازىمىنا 130-دان اسا قىزمەتكەر قابىلدانعان بولاتىن. ولاردىڭ 70%-ى بانكتىڭ سەرىكتەس جوعارى وقۋ ورىندارىنان كەلگەن. بولاشاقتا Halyk سەرىكتەس ۋنيۆەرسيتەتتەر جەلىسىن كەڭەيتۋدى، Halyk Academy باعدارلاماسى بويىنشا دارىستەر مەن كۋرستار وتكىزۋدى جانە ستۋدەنتتىك حاكاتوندار مەن كەيس-چەمپيوناتتار ۇيىمىنا دەمەۋشىلىك جاساۋدى جوسپارلاپ وتىر.
