2025 جىلدىڭ 17 قىركۇيەگىندە Fitch Ratings حالىقارالىق رەيتينگتىك اگەنتتىگى Halyk Bank-ءتىڭ شەتەل جانە ۇلتتىق ۆاليۋتاداعى ۇزاق مەرزىمدى رەيتينگىن «تۇراقتى» بولجاممەن «BBB-» دەڭگەيىندە بەكىتتى.
Fitch Ratings قازاقستاننىڭ بانك سەكتورىنداعى HalykBank-ءتىڭ جوعارى نارىقتىق ۇلەسى, تابىستىلىقتىڭ تۇراقتى جوعارى كورسەتكىشتەرى، ەلەۋلى كاپيتالداندىرۋ جانە ورنىقتى وتىمدىلىك رەيتينگتى قولدايتىن نەگىزگى فاكتورلار بولىپ تابىلاتىنىن اتاپ ءوتتى. اگەنتتىكتىڭ مالىمەتىنشە, «تۇراقتى» بولجام Halyk Bank-ءتىڭ كرەديتتىك كورسەتكىشتەرى ورتا مەرزىمدى پەرسپەكتيۆادا كۇشتى بولىپ قالا بەرەتىنىن كورسەتىپ تۇر.
Fitch Ratings Halyk Bank-ءتىڭ كورپوراتيۆتىك جانە بولشەك بيزنەستەگى كۇشتى نارىقتىق پوزيتسيالارى جانە تەڭدەستىرىلگەن كرەديتتىك پورتفەلى بار سەنىمدى بيزنەس-مودەلىن، سونداي-اق بانك اكتيۆتەرىنىڭ ساپاسى سوڭعى بەس جىلدا ايتارلىقتاي جاقسارعانىن اتاپ ءوتتى. سونىمەن قاتار, اگەنتتىك تۇراقتى مارجانىڭ، جوعارى وپەراتسيالىق تيىمدىلىكتىڭ جانە تاۋەكەلدىڭ تومەن قۇنىنىڭ ارقاسىندا 2025-2026 جىلدارى بانكتىڭ جوعارى تابىستىلىعىنىڭ ساقتالۋىن كۇتەدى.
«Fitch Ratings اگەنتتىگىنىڭ بەرگەن كرەديتتىك رەيتينگءى وزگەرمەلى ەكونوميكالىق ورتا مەن سىرتتان تونگەن سىندار جاعدايىندا بانكتىڭ ءتيىمدى جۇمىسىن, ال بەرگەن باعاسى Halyk-تىڭ قازاقستاننىڭ بانك نارىعىنداعى جەتەكشى ويىنشى رەتىندەگى قارجىلىق تۇراقتىلىعى مەن سەنىمدىلىگىن كورسەتەدى. سونداي-اق بۇل نارىقتىڭ Halyk-قا كورسەتكەنسەنىمءى مەن سەنىمدىلىگىنىڭ دالەلى», - دەلىنگەن بانكتىڭ حابارلاماسىندا.
حالىق بانكى – بولشەك، شوب جانە كورپوراتيۆتىك بانك قىزمەتتەرىن، ساقتاندىرۋدى، ليزينگتى، بروكەرلىك قىزمەتتەردى، اكتيۆتەردى باسقارۋدى جانە ومىرگە قاجەتتى قىزمەتتەردى (لايفستايل) قوسا العاندا، ءارتۇرلى سەگمەنتتەردە جۇمىس ىستەيتىن قازاقستانداعى جەتەكشى قارجى توبى. حالىق بانكىنىڭ قازاقستان قور بيرجاسىندا 1998 جىلدان بەرى، لوندون قور بيرجاسىندا 2006 جىلدان بەرى جانە استانا حالىقارالىق بيرجاسىندا 2019 جىلدان بەرى ليستينگى بار.
2025 جىلعى 30 ماۋسىم جاعدايى بويىنشا بانك جيىنتىعىندا 19,616 ملرد تەڭگە مولشەرىندەگى اكتيۆتەرگە يە بولا وتىرىپ، قازاقستانداعى ەڭ ءىرى كرەديتور بولىپ تابىلادى. بانك ەلدەگى ەڭ ءىرى كليەنتتىك بازالاردىڭ بىرىنە يە جانە فيليال جەلىسى كەڭ تاراعان، ەل بويىنشا 542 فيليالى مەن بولىمشەسى بار. سونىمەن قاتار بانك گرۋزيا مەن وزبەكستاندا قىزمەت ەتەدى.
