الماتى قالاسىنىڭ پوليتسيا دەپارتامەنتى 29 قازاندا بوكستان الەم چەمپيونى جانقوش تۇراروۆقا قاتىستى زورلاۋ ايىبى بويىنشا قىلمىستىق ءىستىڭ توقتاتىلعانىن مالىمدەدى، دەپ حابارلايدى «ادىرنا» ۇلتتىق پورتالى.
اۋەزوۆ اۋدانىنىڭ پوليتسيا باسقارماسى بوكسشىعا قاتىستى قازاقستان رەسپۋبليكاسىنىڭ قىلمىستىق كودەكسىنىڭ 120-بابى، 1-بولىگى بويىنشا قىلمىستىق ءىستى تەرگەگەن بولاتىن.
«ءىس اياسىندا سوت-مەديتسينالىق جانە سوت-بيولوگيالىق ساراپتامالار جۇرگىزىلىپ، ولاردىڭ ناتيجەسى بويىنشا زورلاۋ فاكتىسى راستالمادى. 2024 جىلدىڭ 20 قازانىندا قازاقستان رەسپۋبليكاسىنىڭ قىلمىستىق-پروتسەسسۋالدىق كودەكسىنىڭ 35-بابى، 1-بولىگى، 2-تارماعى نەگىزىندە سوتقا دەيىنگى تەرگەۋدى توقتاتۋ تۋرالى تۇپكىلىكتى شەشىم قابىلداندى»، – دەپ حابارلادى پوليتسيا وكىلدەرى.
قابىلدانعان شەشىممەن اۋەزوۆ اۋدانىنىڭ پروكۋراتۋراسى كەلىستى.
ەسكە سالا كەتەيىك، 21 تامىزىندا الەۋمەتتىك جەلىلەردە بوكسشى جانكوش تۇراروۆتى ايەل زورلادى دەپ ايىپتاعانى تۋرالى اقپارات پايدا بولعان ەدى. الماتى پد ءباسپاسوز قىزمەتى قىلمىستىق ءىس باستالىپ، ساراپتاما تاعايىندالعانىن حابارلادى. كەيىن جانقوش تۇراروۆ ايىپتاۋلار جالعان ەكەنىن مالىمدەدى.
