اباي ولەڭدەرىن جاتقا وقيتىن ۆيكتوريا

3488
Adyrna.kz Telegram

قر كونستيتۋتسياسى كۇنىنە وراي قر پرەزيدەنتى  ق.توقاەۆتىڭ قاتىسۋىمەن  وتكەن  رەسپۋبليكالىق مەرەكەلىك كونتسەرتتە اۋليەاتالىق ۆيكتوريا ۆياچەسلاۆقىزى اباي قۇنانبايۇلىنىڭ ولەڭىن مانەرلەپ وقىدى، دەپ حابارلايدى adyrna.kz ۇلتتىق پورتالى جامبىل وبلىسى اكىمى اپپاراتى «قوعامدىق كەلىسىم» كمم  ءباسپاسوز ورتالىعىنا سىلتەمە جاساپ.

اعىمداعى جىلدىڭ  مامىر ايىندا قر پرەزيدەنتى قاسىم-جومارت توقاەۆتىڭ تاراپىنان قولداۋ تاپقان ۇلى اقىن اباي قۇنانبايۇلىنىڭ 175 جىلدىق مەرەيتويىنا وراي، «ۇلى اقىن ولەڭدەرىنەن ءۇزىندى وقۋ» ەستافەتاسى باستاۋ العان بولاتىن. ەل نازارىنا ىلىككەن بۇل چەللەندج   الەۋمەتتىك جەلىلەردە  كەڭىنەن ەتەك جايدى.  ايتا كەتۋ كەرەك، #Abay175 حەشتەگىمەن  تانىلعان چەللەندجى  قازاقستاننىڭ تۇكپىر-تۇكپىرىنەن ەلگە تانىمال بەدەلدى ازاماتتارىمىز، قوعامدىق قايراتكەرلەرى، ونەر ادامدارىنىڭ، باق وكىلدەرىنىڭ ت.ب.  بەلسەندى قاتىسۋىمەن  وز جالعاسىن تاۋىپ جاتىر. حالىق نازارىنا ىلىككەن بۇل جوبادان جامبىل وبلىسى دا قالىس قالعان جوق. تاريحي ولكەدەن  قازاقستان حالقى اسسامبلەياسى  اتىنان «جاڭعىرۋ جولى» جاستار اكتيۆىنىڭ  جانە «رادونەج» ورىس قاۋىمى قوعامدىق بىرلەستىگىنىڭ» بەلسەندى مۇشەسى ترەگۋبوۆا ۆيكتوريا ۆياچەسلاۆقىزى  وق بويى وزا شاپتى.

ۆيكتوريا ۆياچەسلاۆقىزى مەملەكەت باسشىسى ق.توقاەۆتىڭ الدىندا ابايدىڭ ولەڭىن وقىعانىن ماقتانىشپەن ەسكە الدى. سونداي-اق ول اتالعان ءىس-شارانىڭ ارقاسىندا كوپتەگەن دوستار تاپقانىن، الداعى ۋاقىتتا ولارمەن تىعىز قارىم-قاتىناستا ارالاسىپ تۇراتىنىن جەتكىزدى

– جاستار جىلى – رەسپۋبليكا ءۇشىن وتە جاۋاپتى كەزەڭ! ءبىز ءبارىن بىلەمىز جانە ءبىزدىڭ جاستارىمىزدىڭ العا باسۋى ءۇشىن قانشا كۇش جۇمسايتىنىن كورىپ وتىرمىز. مەن ءبىر ورىندا تۇرماۋعا جانە العا جىلجۋعا تىرىسامىن. كونستيتۋتسيا كۇنىنە ارنالعان كونتسەرتتە ونەر كورسەتۋ ماعان ۇلكەن قۇرمەت بولدى. قازاقستاننىڭ بارلىق ايماقتارىنان كەلگەن جاستار ءبىر ساحنادا جينالدى. اباي شىعارمالارىن وقۋ جانە ءان ايتۋ بويىنشا ءبىزدىڭ ءنومىرىمىز وسى ءىس-شارانىڭ باستى فيشكاسى بولدى. ونىڭ سەبەبى ءبىزدىڭ ارامىزدا كورەي، ۇيعىر، مولدوۆان، نەمىس جانە ورىس سىندى سان ءتۇرلى ەتنوس وكىلدەرى بولدى. سان ۇلتتىڭ بالاسى بولساق تا ءبىزدى اباي بىرىكتىردى، – دەيدى ول.

جەرلەسىمىز ۆيكتوريا  ابايدىڭ «ولەڭ-ءسوزدىڭ پاتشاسى، ءسوز ساراسى»  اتتى ولەڭىن وقىپ، رەسپۋبليكا كولەمىندە تانىمالدىققا يە بولدى. ۆيكتوريانىڭ وقىعان ولەڭىنىڭ ۆيدەوسى «قوعامدىق كەلىسىم» رمم جانە وبلىستىق  قازاقستان حالقى اسسامبلەياسى، «قوعامدىق كەلىسىم» كمم قولداۋىمەن  الەۋمەتتىك جەلىلەردە جۇكتەلگەن بولاتىن.  بەينە-روليك  60 مىڭ قارالىم جيناپ، 1500 رەپوست جاسالدى.

"ادىرنا" ۇلتتىق پورتالى

پىكىرلەر