بۇگىن — قازاقستاندىق تانىمال جازۋشى، سىنشى، ادەبيەت زەرتتەۋشىسى گەرولد بەلگەردىڭ تۋعانىنا 90 جىل تولىپ وتىر، دەپ حابارلايدى «ادىرنا» ءتىلشىسى.
گەرولد بەلگەر 1934 جىلى 28 قازاندا ساراتوۆ وبلىسى ەنگەلس قالاسىنىڭ ەدىل نەمىستەرى وتباسىندا دۇنيەگە كەلگەن. 1941 جىلى ونىڭ نەمىس وتباسى قازاقستانعا، ەسىل بويىنداعى قازاق اۋىلىنا جەر اۋدارىلعان. ول قازاق ورتا مەكتەبىندە وقىپ، 1958 جىلى اباي اتىنداعى قازاق پەداگوگيكالىق ينستيتۋتىنىڭ ادەبيەت فاكۋلتەتىن بىتىرگەن.
قالامگەر ەڭبەك جولىن 1953 جىلى لابورانت بولىپ باستاپ، كەيىن ورتا مەكتەپتە مۇعالىم، 1963 جىلى «جۇلدىز» جۋرنالىنىڭ ادەبي قىزمەتكەرى، 1989 جىلى نەمىس ۇلتتىق مادەني ورتالىعىنىڭ توراعاسى، 1995 جىلى نەمىس تىلىندەگى «فەنيكس» الماناحىنىڭ باس رەداكتورى بولدى. 1994-1995 جىلدارى پاۆلودار وبلىسىنان جوعارعى كەڭەستىڭ دەپۋتاتى، الماتى قالاسى نەمىس مادەني قوعامىنىڭ توراعاسى قىزمەتىن اتقاردى. ءار جىلدارى قازاقستان نەمىستەرى كەڭەسىنىڭ، قر پرەزيدەنتى جانىنداعى مەملەكەتتىك ساياسات جونىندەگى ۇلتتىق كەڭەستىڭ، قر-نىڭ يۋنەسكو ىستەرى جونىندەگى ۇلتتىق كوميسسيانىڭ مۇشەسى، بىرقاتار ادەبي جۋرنالداردىڭ رەداكتسيالىق القا مۇشەسى بولدى.
ۇلتى نەمىس، جۇرەگى قازاق جازۋشى ب. مايلين، ع. مۇسىرەپوۆ، ءا. نۇرپەيىسوۆتىڭ جانە تاعى باسقا قازاق جازۋشىلارىنىڭ شىعارمالارىن ورىس تىلىنە اۋدارعان بولاتىن. ءوزى دە ادەبيەت الەمىنە نەمىس، قازاق، ورىس تىلدەرىندە 70 جۋىق كىتابىن، 2000 مىڭنان اسا ماقالاسىن امانات ەتتى.
گەرولد بەلگەر حالىق ەسىندە وتكىر پىكىرلەرىمەن قالدى. ول بيلىكتىڭ الدىندا قۇرداي جورعالايتىنداردى قاتاڭ سىنعا العان ەدى.
«بىزدەگى جازۋشىلاردىڭ، كەرىسىنشە، بيلىكتىڭ الدىندا قۇرداي جورعالاپ، قۇلدىق ۇراتىنىن تالاي كورىپ ءجۇرمىن. ءتىپتى، سولاردىڭ كوبىسى مەنىڭ ارالاسىپ جۇرگەن دوستارىم. كوشەدە جۇرگەندە ولار باسقاشا سويلەيدى دە، بيلىكتىڭ الدىنا بارعاندا مۇلدە بولەك سايرايدى. زيالى قاۋىمنىڭ وسى ءبىر مىنەزى مەنىڭ كوڭىلىمنەن شىقپايدى»،—دەدى ول.
سونداي-اق جازۋشى امالسىزدان دەپۋتات بولعانىن مالىمدەگەن بولاتىن.
«شىنى كەرەك، دەپۋتات بولعىم كەلگەن جوق. نۇرسۇلتان نازارباەۆ قويعاننان كەيىن امالسىز بولدىق قوي، تاراتىپ جىبەرگەندە «شىعارماشىلىعىممەن ەركىن اينالىساتىن بولدىم عوي» دەپ قاتتى قۋاندىم»،—دەپ ءتۇسىندىردى قايراتكەر «جۇلدىزدار وتباسى» جۋرنالىنا بەرگەن سۇحباتىندا.
قازاقستاننىڭ بەلگىلى جازۋشىسى گەرولد بەلگەر 80 جاسىندا جۇرەك اۋرۋىنان قايتىس بولدى،
