Búgin — qazaqstandyq tanymal jazýshy, synshy, ádebıet zertteýshisi Gerold Belgerdiń týǵanyna 90 jyl tolyp otyr, dep habarlaıdy «Adyrna» tilshisi.
Gerold Belger 1934 jyly 28 qazanda Saratov oblysy Engels qalasynyń Edil nemisteri otbasynda dúnıege kelgen. 1941 jyly onyń nemis otbasy Qazaqstanǵa, Esil boıyndaǵy qazaq aýylyna jer aýdarylǵan. Ol qazaq orta mektebinde oqyp, 1958 jyly Abaı atyndaǵy Qazaq pedagogıkalyq ınstıtýtynyń ádebıet fakýltetin bitirgen.
Qalamger eńbek jolyn 1953 jyly laborant bolyp bastap, keıin orta mektepte muǵalim, 1963 jyly «Juldyz» jýrnalynyń ádebı qyzmetkeri, 1989 jyly nemis ulttyq mádenı ortalyǵynyń tóraǵasy, 1995 jyly nemis tilindegi «Fenıks» almanahynyń bas redaktory boldy. 1994-1995 jyldary Pavlodar oblysynan Joǵarǵy Keńestiń depýtaty, Almaty qalasy nemis mádenı qoǵamynyń tóraǵasy qyzmetin atqardy. Ár jyldary Qazaqstan nemisteri keńesiniń, QR Prezıdenti janyndaǵy Memlekettik saıasat jónindegi Ulttyq keńestiń, QR-nyń IýNESKO isteri jónindegi ulttyq komıssııanyń múshesi, birqatar ádebı jýrnaldardyń redakııalyq alqa múshesi boldy.
Ulty nemis, júregi qazaq jazýshy B. Maılın, Ǵ. Músirepov, Á. Nurpeıisovtiń jáne taǵy basqa qazaq jazýshylarynyń shyǵarmalaryn orys tiline aýdarǵan bolatyn. Ózi de ádebıet álemine nemis, qazaq, orys tilderinde 70 jýyq kitabyn, 2000 myńnan asa maqalasyn amanat etti.
Gerold Belger halyq esinde ótkir pikirlerimen qaldy. Ol bıliktiń aldynda qurdaı jorǵalaıtyndardy qatań synǵa alǵan edi.
«Bizdegi jazýshylardyń, kerisinshe, bıliktiń aldynda qurdaı jorǵalap, quldyq uratynyn talaı kórip júrmin. Tipti, solardyń kóbisi meniń aralasyp júrgen dostarym. Kóshede júrgende olar basqasha sóıleıdi de, bıliktiń aldyna barǵanda múlde bólek saıraıdy. Zııaly qaýymnyń osy bir minezi meniń kóńilimnen shyqpaıdy»,—dedi ol.
Sondaı-aq jazýshy amalsyzdan depýtat bolǵanyn málimdegen bolatyn.
«Shyny kerek, depýtat bolǵym kelgen joq. Nursultan Nazarbaev qoıǵannan keıin amalsyz boldyq qoı, taratyp jibergende «shyǵarmashylyǵymmen erkin aınalysatyn boldym ǵoı» dep qatty qýandym»,—dep túsindirdi qaıratker «Juldyzdar otbasy» jýrnalyna bergen suhbatynda.
Qazaqstannyń belgili jazýshysy Gerold Belger 80 jasynda júrek aýrýynan qaıtys boldy,
