«قاراڭعى قازاق كوگىنە، ورمەلەپ شىعىپ، كۇن بولام!» دەپ جىرلاعان سۇلتانماحمۇت تورايعىروۆتىڭ جولىن ۇلگى ەتكەن «Sun study» بالالاردى دامىتۋ ورتالىعى استانا قالاسىندا ءوز جۇمىسىن باستادى.
26 قازان كۇنى بالالاردى دامىتۋعا باعىتتالعان ورتالىقتىڭ رەسمي اشىلۋ سالتاناتى ءوتتى. جيىنعا عىلىم جانە جوعارى ءبىلىم مينيسترلىگىنىڭ كوميتەت توراعاسىنىڭ ورىنباسارى، حيميا عىلىمدارىنىڭ دوكتورى اقەركە ابىلايحان، قر ۇلتتىق اكادەميالىق كىتاپحانا ديرەكتورى عازيزا قۇدايبەرگەن، استانا قالاسىنداعى مۋزىكالىق جاس كورەرمەن تەاترىنىڭ ديرەكتورى، تەاتر رەجيسسەرى اسحات ماەميروۆ سىندى ەلىمىزدىڭ بەتكە ۇستار تۇلعالارى قاتىسىپ، لەنتاسىن قيىپ، ىزگى تىلەكتەرىمەن ءبولىستى.
اشىلۋ سالتاناتىنا جينالعاندارعا ءان مەن جىردان شاشۋ شاشىلىپ، انۆارا ارiپقىزىنىڭ جەتەكشىلىگىمەن «گۇلدەر» انسامبلiنiڭ ارتicتەرi انەل جۇماديلدينا جانە الان مۇحتار شولپان قورعانبەكتiڭ كۇيiنە قويىلعان «توقىم قاعار» بيi ۇسىنىلدى. بۇلدىرشىندەرگە انيماتورلار ويىن ويناتىپ، ءارتۇرلى سىيلىقتار بەرىلدى.
«Sun study» بالالاردى دامىتۋ ورتالىعىنىڭ ەرەكشەلىگى ءار بولمەنىڭ قابىرعاسىندا الاش ارىستارىنىڭ سۋرەتتەرى مەن ۇلاعاتتى سوزدەرى جازىلعان. بولمەلەرگە «ءاليحان بوكەيحان بولمەسى»، «احمەت بايتۇرسىنۇلى بولمەسى»، «مىرجاقىپ دۋلاتۇلى بولمەسى»، «ماعجان جۇماباي بولمەسى» دەگەندەي اتاۋلار قويىلعان. ءاربىر بولمەگە كىرگەندە بالالاردى ۇلى تۇلعالار قارسى العانداي اسەر قالدىرادى.
ءاليحان مەن مىرجاقىپتىڭ «ءار بۋىن ءوز زامانىنداعى ماسەلەنى شەشىپ كەتۋى كەرەك. ايتپەگەندە كەيىنگى ۇرپاققا وتە ۇلكەن جۇك قالدىرادى» دەگەن ماسەلەنى قوسارلانا قايتالاۋى ولاردىڭ قانشالىقتى دەڭگەيدە كەلەر ۇرپاق الدىنداعى جاۋاپكەرشىلىكتى تەرەڭ سەزىنەتىندىكتەرىن كورسەتكەندەي. اشىلىپ جاتقان ورتالىق وسى مۇددەلەر ۇدەسىنەن شىعىپ جاتسا، ءبىزدىڭ دە الاش اماناتىنا دەگەن ابرويلى قىزمەتىمىز سول بولماق - دەيدى «Sun study» بالالاردى دامىتۋ ورتالىعىنىڭ جەتەكشىسى ارمان اۋباكىر.
