ءبىر اپتا بۇرىن قوسشىدا جوعالىپ كەتكەن 16 جاستاعى قىز سەمەيدە امان-ەسەن تابىلدى، دەپ حابارلايدى «ادىرنا» ۇلتتىق پورتالى اقمولا وبلىسى پد ءباسپاسوز قىزمەتىنە سىلتەمە جاساپ.
2008 جىلى تۋعان كامەلەتكە تولماعان سارسەنوۆا ديلناز ەرانقىزى 19 قازاندا ۇيدەن شىعىپ، قايتا ورالماعان. تەلەفون قوڭىراۋلارىنا جاۋاپ بەرمەگەن.
الدىمەن جوعالعان ادامنىڭ اكەسى قىزىن ءوز بەتىنشە تابۋعا تىرىسقانىمەن، ناتيجە بولماعان. سوندىقتان 21 قازاندا اتا-انالار قۇقىق قورعاۋ ورگاندارىنىڭ كومەگىنە جۇگىنۋگە ءماجبۇر بولعان.
پوليتسيا قىزمەتكەرلەرى قىزدىڭ بۇرىن بىرنەشە رەت ۇيدەن كەتىپ قالىپ، كەيىن قايتىپ كەلگەنىن انىقتادى. سونداي-اق، ءجاسوسپىرىمنىڭ مۇگەدەك ەكەنى بەلگىلى بولدى.
جەدەل-ىزدەستىرۋ شارالارىنىڭ ناتيجەسىندە قىز سەمەيدەن تابىلدى، جاعدايى جاقسى.
پوليتسيا قىزمەتكەرلەرى اتا-انالاردان اسىرەسە مەكتەپ دەمالىسى كەزىندە، بالالاردىڭ قاي جەردە جۇرگەنىن قاتاڭ باقىلاۋعا الۋدى سۇرايدى.
