Bır apta būryn Qosşyda joǧalyp ketken 16 jastaǧy qyz Semeide aman-esen tabyldy, dep habarlaidy «Adyrna» ūlttyq portaly Aqmola oblysy PD baspasöz qyzmetıne sılteme jasap.
2008 jyly tuǧan kämeletke tolmaǧan Särsenova Dilnaz Eranqyzy 19 qazanda üiden şyǧyp, qaita oralmaǧan. Telefon qoŋyraularyna jauap bermegen.
Aldymen joǧalǧan adamnyŋ äkesı qyzyn öz betınşe tabuǧa tyrysqanymen, nätije bolmaǧan. Sondyqtan 21 qazanda ata-analar qūqyq qorǧau organdarynyŋ kömegıne jügınuge mäjbür bolǧan.
Polisiia qyzmetkerlerı qyzdyŋ būryn bırneşe ret üiden ketıp qalyp, keiın qaityp kelgenın anyqtady. Sondai-aq, jasöspırımnıŋ mügedek ekenı belgılı boldy.
Jedel-ızdestıru şaralarynyŋ nätijesınde qyz Semeiden tabyldy, jaǧdaiy jaqsy.
Polisiia qyzmetkerlerı ata-analardan äsırese mektep demalysy kezınde, balalardyŋ qai jerde jürgenın qataŋ baqylauǧa aludy sūraidy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz