دونالد ترامپ پرەزيدەنتتىك سايلاۋدا جەڭىسكە جەتەتىن بولسا، امەريكالىقتاردى شەتەلدىك قاقتىعىستارعا جىبەرمەۋگە ۋادە بەردى، دەپ حابارلايدى «ادىرنا» ۇلتتىق پورتالى.
رەسپۋبليكالىق پارتيادان اقش پرەزيدەنتتىگىنە ۇمىتكەر دونالد ترامپ ءبىر كۇن بۇرىن پەنسيلۆانياداعى ميتينگ بارىسىندا پرەزيدەنتتىك سايلاۋدا جەڭىسكە جەتكەن جاعدايدا امەريكالىق اسكەرلەردى شەتەلدىك قاقتىعىستارعا قاتىسۋعا جىبەرمەيتىنىن ايتتى.
ميتينگ RSBN مەديا كومپانياسىنىڭ YouTube ارناسىندا كورسەتىلدى.
«مەنىڭ كەزىمدە اقش سوعىس جۇرگىزگەن جوق. ءبىز بەيبىتشىلىككە قول جەتكىزدىك. بۇل تاماشا. سىزدەر بالالاردى سوعىسقا جىبەرىپ، ولاردى ەشقاشان ەستىمەگەن ەل ءۇشىن قۇربان ەتپەۋلەرىڭىز كەرەك. مەن سىزدەردى شەتەلدىك سوعىستاردا شايقاسۋعا جانە قازا تابۋعا جىبەرمەيمىن»، - دەپ اتاپ ءوتتى ترامپ.
ءسوز بارىسىندا ول سايلاۋشىلاردىڭ نازارىن دەموكراتيالىق كانديدات كامالا حارريس جەڭىسكە جەتكەن جاعدايدا شەتەلدىك قاقتىعىستارعا قاتىسۋ ءسوزسىز بولاتىنىنا اۋداردى. «ول قىتاي توراعاسى سيمەن، پۋتينمەن، كيم چەن ىنمەن كۇرەسپەيدى. سوندىقتان سىزدەردىڭ ۇل-قىزدارىڭىز اسكەرگە الىنىپ، ءسىز ەشقاشان ەستىمەگەن ەلگە سوعىسۋعا جىبەرىلەدى»، - دەدى ترامپ.
