Donald Tramp prezidenttık sailauda jeŋıske jetetın bolsa, amerikalyqtardy şeteldık qaqtyǧystarǧa jıbermeuge uäde berdı, dep habarlaidy «Adyrna» ūlttyq portaly.
Respublikalyq partiiadan AQŞ prezidenttıgıne ümıtker Donald Tramp bır kün būryn Pensilvaniiadaǧy miting barysynda prezidenttık sailauda jeŋıske jetken jaǧdaida amerikalyq äskerlerdı şeteldık qaqtyǧystarǧa qatysuǧa jıbermeitının aitty.
Miting RSBN media kompaniiasynyŋ YouTube arnasynda körsetıldı.
«Menıŋ kezımde AQŞ soǧys jürgızgen joq. Bız beibıtşılıkke qol jetkızdık. Būl tamaşa. Sızder balalardy soǧysqa jıberıp, olardy eşqaşan estımegen el üşın qūrban etpeulerıŋız kerek. Men sızderdı şeteldık soǧystarda şaiqasuǧa jäne qaza tabuǧa jıbermeimın», - dep atap öttı Tramp.Söz barysynda ol sailauşylardyŋ nazaryn Demokratiialyq kandidat Kamala Harris jeŋıske jetken jaǧdaida şeteldık qaqtyǧystarǧa qatysu sözsız bolatynyna audardy. «Ol Qytai töraǧasy Simen, Putinmen, Kim Chen Ynmen kürespeidı. Sondyqtan sızderdıŋ ūl-qyzdaryŋyz äskerge alynyp, sız eşqaşan estımegen elge soǧysuǧa jıberıledı», - dedı Tramp.
