ءماجىلىس وتىرىسىندا دەپۋتات اجار ساعىندىقوۆا توتەنشە جاعدايلار ءمينيسترىن سىنادى، دەپ حابارلايدى "ادىرنا" ۇلتتىق پورتالى.
مينيستر شىڭعىس ءارىنوۆتىڭ جۇمىسىن سىنعا الدى.
"بۇگىن مەن ءسىزدىڭ مينيسترلىگىڭىزدىڭ جۇمىسىن باعالاعىم كەلەدى. بىراق 0-دەن 5-كە دەيىن ەمەس، مينۋس 0-دەن مينۋس 5-كە دەيىن. مينۋس 5, ويتكەنى ورتتە ادامدار ءولىپ جاتقاندا، قىزمەتكەرلەرىڭىز ءولىم قۇشىپ جاتقاندا، مينيسترلىك نولدىك دەڭگەيدە جۇمىس ىستەپ جاتىر. سىزدەردىڭ مىندەتتەرىڭىز – ادامداردىڭ قاۋىپسىزدىگىن قامتاماسىز ەتۋ", - دەدى دەپۋتات ساعىندىقوۆا.
توتەنشە جاعدايلار ءمينيسترى وزىنە قويىلعان باعانى قابىلداعانىن ايتادى.
د"بىراق مەن تۋرالى ايتپاعاندا، ۆيتسە مينيستردەن باستاپ قاتارداعى جاۋىنگەرگە دەيىن، ءبىزدىڭ قىزمەتكەرلەر، اسكەري قىزمەتشىلەر كۇندىز-ءتۇنى ءوز مىندەتتەرىن ورىندايدى جانە مەنىڭ ويىمشا، ولار مىندەتىن تولىق ورىنداپ جاتىر. بىزدەگى ماسەلەلەرگە قاراماستان، 30 جىلدىق جۇيەگە قاراماستان، ولار وسى مايداندا جەڭىسكە جەتىپ جاتىر، ءالى دە ناتيجە بەرەدى. بارلىق قيىندىققا قاراماستان، ءبىز ءبارىبىر ناتيجە بەرىپ جاتىرمىز. مەن مۇنى جىگىتتەردىڭ، ادال قىزمەت ەتەتىن جاۋىنگەرلەردىڭ جەڭىسى دەپ سانايمىن. سوندىقتان مەرەكە قارساڭىندا ولارعا مۇنداي باعا الۋ جاعىمدى بولادى دەپ ويلامايمىن", - دەپ جاۋاپ بەردى ءارىنوۆ.
