گەرمانيانىڭ سىرتقى ىستەر مينيسترلىگى سولتۇستىك كورەيانىڭ ۋاقىتشا سەنىمدى وكىلىن شاقىردى. بۇل قادام سولتۇستىك كورەيانىڭ رەسەيگە ءوز اسكەرلەرىن جىبەرىپ، ولاردى ۋكرايناداعى سوعىسقا قاتىستىرۋى تۋرالى مالىمەتتەرگە بايلانىستى جاسالدى، دەپ حابارلايدى "ادىرنا" ۇلتتىق پورتالى.
گەرمانيا تاراپى بۇل جاعدايعا الاڭداۋشىلىق ءبىلدىرىپ، ەگەر كحدر رەسەيدىڭ ۋكرايناعا قارسى اگرەسسيۆتى سوعىسىنا اسكەري قولداۋ كورسەتەتىن بولسا، بۇل حالىقارالىق قۇقىقتىڭ ورەسكەل بۇزىلۋى دەپ ەسەپتەلەتىنىن مالىمدەدى.
"سولتۇستىك كورەيا ءوز اسكەرلەرىن رەسەيگە جىبەرىپ، ولاردىڭ ۋكرايناداعى سوعىس قيمىلدارىنا قاتىسۋى حالىقارالىق نورمالاردى بۇزادى جانە بۇل قادام ەۋروپا مەن الەمدەگى تۇراقتىلىققا تىكەلەي قاۋىپ توندىرەدى،" – دەدى مينيسترلىك.
سونىمەن قاتار، گەرمانيا كحدر-ءدىڭ وسىنداي قادامدارى گەرمانيانىڭ دا قاۋىپسىزدىگىنە قاتەر توندىرەدى دەپ اتاپ ءوتتى.
بەرليننىڭ بۇل ارەكەتى سولتۇستىك كورەيانىڭ رەسەيمەن اسكەري ىنتىماقتاستىعىن كەڭەيتۋگە دەگەن ىقتيمال تالپىنىستارى اياسىندا ورىن الدى. بۇل جاعداي حالىقارالىق قوعامداستىقتا الاڭداۋشىلىق تۋعىزىپ وتىر، سەبەبى پحەنياننىڭ كەز كەلگەن اسكەري قولداۋى تەك ۋكرايناداعى قاقتىعىستى ۇلعايتىپ قانا قويماي، سونىمەن قاتار حالىقارالىق ارەناداعى كۇشتەردىڭ تەڭگەرىمىنە اسەر ەتۋى مۇمكىن. گەرمانيا حالىقارالىق قۇقىقتىڭ بۇزىلماۋىن جانە ايماقتىق تۇراقتىلىقتى ساقتاۋدى تالاپ ەتىپ، پحەنيانعا ەسكەرتۋ جاسادى.
