Germaniianyŋ Syrtqy ıster ministrlıgı Soltüstık Koreianyŋ uaqytşa senımdı ökılın şaqyrdy. Būl qadam Soltüstık Koreianyŋ Reseige öz äskerlerın jıberıp, olardy Ukrainadaǧy soǧysqa qatystyruy turaly mälımetterge bailanysty jasaldy, dep habarlaidy "Adyrna" ūlttyq portaly.
Germaniia tarapy būl jaǧdaiǧa alaŋdauşylyq bıldırıp, eger KHDR Reseidıŋ Ukrainaǧa qarsy agressivtı soǧysyna äskeri qoldau körsetetın bolsa, būl halyqaralyq qūqyqtyŋ öreskel būzyluy dep esepteletının mälımdedı.
"Soltüstık Koreia öz äskerlerın Reseige jıberıp, olardyŋ Ukrainadaǧy soǧys qimyldaryna qatysuy halyqaralyq normalardy būzady jäne būl qadam Europa men älemdegı tūraqtylyqqa tıkelei qauıp töndıredı," – dedı Ministrlık.Sonymen qatar, Germaniia KHDR-dıŋ osyndai qadamdary Germaniianyŋ da qauıpsızdıgıne qater töndıredı dep atap öttı. Berlinnıŋ būl äreketı Soltüstık Koreianyŋ Reseimen äskeri yntymaqtastyǧyn keŋeituge degen yqtimal talpynystary aiasynda oryn aldy. Būl jaǧdai halyqaralyq qoǧamdastyqta alaŋdauşylyq tuǧyzyp otyr, sebebı Pheniannyŋ kez kelgen äskeri qoldauy tek Ukrainadaǧy qaqtyǧysty ūlǧaityp qana qoimai, sonymen qatar halyqaralyq arenadaǧy küşterdıŋ teŋgerımıne äser etuı mümkın. Germaniia halyqaralyq qūqyqtyŋ būzylmauyn jäne aimaqtyq tūraqtylyqty saqtaudy talap etıp, Phenianǧa eskertu jasady.
