تارازدا كونستيتۋتسيا كۇنىنە وراي 720 پاتەر بەرىلدى

3140
Adyrna.kz Telegram

قازاقستان رەسپۋبليكاسىنىڭ كونستيۋتسيا كۇنى قارساڭىندا تاراز قالاسىندا 80 پاتەرلى 9 كوپقاباتتى ءۇي ەل يگىلىگىنە بەرىلدى، دەپ حابارلايدى adyrna.kz ۇلتتىق پورتالى جامبىل وبلىسى اكىمىنىڭ ءباسپاسوز قىزمەتىنە سىلتەمە جاساپ. جالپى 80 پاتەرلى 9 كوپقاباتتى تۇرعىن ۇيدە 720 پاتەر ورنالاسقان.

جامبىل وبلىسىنىڭ اكىمى اسقار مىرزاحمەتوۆ «نۇرلى جەر» باعدارلاماسى بويىنشا ءۇي العان 200-گە جۋىق ازاماتقا پاتەر كىلتىن تاپسىردى. سونداي-ا، ايماق باسشىسى وبلىس تۇرعىندارى قازاقستان رەسپۋبليكاسىنىڭ كونستيتۋتتسيا كۇنىمەن قۇتتىقتادى.

– وسى ساتتە «نۇرلى جەر» مەملەكەتتىك باعدارلاماسى شەڭبەرىندە 15-ءشى شاعىن اۋداندا 80 پاتەرلى 9 قاباتتى ءۇي ەل يگىلىگىنە بەرىلگەلى وتىر. وسىناۋ وڭدى ىستەردىڭ بارلىعى الەۋمەتتىڭ الەۋەتىن ءالدى ەتەتىن اۋقىمدى شارالاردىڭ جارقىن كورىنىسى. باسپانا – قاي ۋاقىتتى دا وزەكتى ماسەلە. قالا حالقىنىڭ سانى وسۋىمەن تۇرعىن ۋيگە دەگەن سۇرانىس كولەمى دە ۇلعايۋدا. ءار ادام ءۇشىن ءۇيدىڭ ەرەكشە ءمانى بار. تاۋەلسىزدىك جىلدارى ەلىمىزدە ەلباسىنىڭ باسشىلىعىمەن قازاقستاندىقتاردى تۇرعىن ۇيمەن قامتاماسىز ەتۋ بويىنشا ۇلكەن جۇمىستار اتقارىلدى. سونىڭ ىشىندە قالادا جاڭادان سوعىلىپ جاتقان 15 شاعىن اۋدان ورنالاسقان جەر بىرنەشە جىل بۇرىن اشىق دالا بولاتىن، ال قازىر جاڭا تۇرعىن ۇيلەر بوي كوتەرگەن شاعىن اۋدانعا اينالدى. پرەزيدەنتتىڭ بەس الەۋمەتتىك باستاماسى بويىنشا جاريالانعان باستى ماقساتتاردىڭ ءبىرى – حالىقتى تۇرعىن ۇيمەن قامتاماسىز ەتۋ، – دەدى ول.

اكىمنىڭ ايتۋىنشا، «نۇرلى جەر» باعدارلاماسى اياسىندا بيىل 17,6 ملرد. تەڭگەگە بارلىعى 30 كوپقاباتتى (2 118 پاتەرلى) تۇرعىن ءۇيدىڭ قۇرىلىسى جۇرگىزىلۋدە. جىل سوڭىنا دەيىن اتالعان 30 كوپقاباتتى ءۇيدىڭ 28 تۇرعىن ءۇيى (1988 پاتەرلى) پايدالانۋعا بەرۋ جوسپارلانىپ وتىر.

سونىمەن بىرگە، كوپبالالى وتباسىلارىن تۇرعىن ۇيمەن قامتاماسىز ەتۋ ماسەلەسىن شەشۋ ءۇشىن اج 1-جارتىجىلدىعىندا 120 (93 پاتەر ارەندالىق ۋيلەر ەسەبىنەن، 27 دەمەۋشىلەر ەسەبىنەن) كوپبالالى وتباسىلارىنا پاتەر كىلتى تابىستالدى. جىل سوڭىنا دەيىن 493 كوپبالالى وتباسىن تۇرعىن ۇيمەن قامتاماسىز ەتۋ جوسپارلانۋدا. كەزەكتىلىك كەلگەنگە دەيىن كوپبالالى وتباسىلاردىڭ تۇرعىن ءۇي ماسەلەسىن ۋاقىتشا شەشۋ ءۇشىن 612 پاتەرلى 12 جاتاقحانا قۇرىلىسىنا ءتيىستى قاراجات قاراستىرىلىپ، جىل سوڭىنا دەيىن پايدالانۋعا بەرۋ جوسپارلانۋدا، – دەدى ول.

ايماق باسشىسى  قۇرىلىس جۇمىستارىن جۇرگىزگەن كومپانيالارعا قالا تۇرعىندارى اتىنان العىس ءبىلدىردى.

"ادىرنا"

ۇلتتىق پورتالى

پىكىرلەر