Qazaqstan Respýblıkasynyń Konstıýııa kúni qarsańynda Taraz qalasynda 80 páterli 9 kópqabatty úı el ıgiligine berildi, dep habarlaıdy adyrna.kz ulttyq portaly Jambyl oblysy ákiminiń baspasóz qyzmetine silteme jasap. Jalpy 80 páterli 9 kópqabatty turǵyn úıde 720 páter ornalasqan.
Jambyl oblysynyń ákimi Asqar Myrzahmetov «Nurly jer» baǵdarlamasy boıynsha úı alǵan 200-ge jýyq azamatqa páter kiltin tapsyrdy. Sondaı-a, aımaq basshysy oblys turǵyndary Qazaqstan Respýblıkasynyń Konstıtýtııa kúnimen quttyqtady.
– Osy sátte «Nurly jer» memlekettik baǵdarlamasy sheńberinde 15-shi shaǵyn aýdanda 80 páterli 9 qabatty úı el ıgiligine berilgeli otyr. Osynaý ońdy isterdiń barlyǵy áleýmettiń áleýetin áldi etetin aýqymdy sharalardyń jarqyn kórinisi. Baspana – qaı ýaqytty da ózekti másele. Qala halqynyń sany ósýimen turǵyn ýıge degen suranys kólemi de ulǵaıýda. Ár adam úshin úıdiń erekshe máni bar. Táýelsizdik jyldary elimizde Elbasynyń basshylyǵymen qazaqstandyqtardy turǵyn úımen qamtamasyz etý boıynsha úlken jumystar atqaryldy. Sonyń ishinde qalada jańadan soǵylyp jatqan 15 shaǵyn aýdan ornalasqan jer birneshe jyl buryn ashyq dala bolatyn, al qazir jańa turǵyn úıler boı kótergen shaǵyn aýdanǵa aınaldy. Prezıdenttiń bes áleýmettik bastamasy boıynsha jarııalanǵan basty maqsattardyń biri – halyqty turǵyn úımen qamtamasyz etý, – dedi ol.
Ákimniń aıtýynsha, «Nurly jer» baǵdarlamasy aıasynda bıyl 17,6 mlrd. teńgege barlyǵy 30 kópqabatty (2 118 páterli) turǵyn úıdiń qurylysy júrgizilýde. Jyl sońyna deıin atalǵan 30 kópqabatty úıdiń 28 turǵyn úıi (1988 páterli) paıdalanýǵa berý josparlanyp otyr.
Sonymen birge, kópbalaly otbasylaryn turǵyn úımen qamtamasyz etý máselesin sheshý úshin aj 1-jartyjyldyǵynda 120 (93 páter arendalyq ýıler esebinen, 27 demeýshiler esebinen) kópbalaly otbasylaryna páter kilti tabystaldy. Jyl sońyna deıin 493 kópbalaly otbasyn turǵyn úımen qamtamasyz etý josparlanýda. Kezektilik kelgenge deıin kópbalaly otbasylardyń turǵyn úı máselesin ýaqytsha sheshý úshin 612 páterli 12 jataqhana qurylysyna tıisti qarajat qarastyrylyp, jyl sońyna deıin paıdalanýǵa berý josparlanýda, – dedi ol.
Aımaq basshysy qurylys jumystaryn júrgizgen kompanııalarǵa qala turǵyndary atynan alǵys bildirdi.
"ADYRNA"
ulttyq portaly
