قازاقستاندا 2024 جىلدىڭ III توقسانىندا جالپى سالماعى 475,5 كەلى بولاتىن 14 000-عا جۋىق التىن قۇيما ساتىلدى. بۇل تۋرالى بۇگىن ۇلتتىق بانكتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان بولاتىن. باعدارلاما قولعا الىنعالى جالپى سالماعى 7,4 توننا 199 235 التىن قۇيما ساتىلدى.
«التىن قۇيمالار بەس ءتۇرلى سالماقتا ۇسىنىلادى: 5, 10, 20, 50 جانە 100 گ. ساتىپ الۋشىلار اراسىندا وتە جوعارى سۇرانىسقا يە ءتۇرى – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ۇلەسى 24% – 48 629 دانا. ودان كەيىن 100 گرامدىق التىن قۇيما – 47 227 دانا (24%), 5 گرامدىق قۇيما – 44 127 دانا (22%), 20 گرامدىق قۇيما – 31 612 دانا (16%), جانە 50 گراممدىق قۇيما – 27 640 دانا (14%)»،—دەلىنگەن حابارلامادا.
ۇلتتىق بانكتىڭ مالىمەتىنشە، التىن قۇيمالاردىڭ ەڭ كوپ بولىگى الماتى (8 101 دانا، 58%), شىمكەنت (1 279 دانا، 9%) جانە استانادا (1 243 دانا، 9%) ساتىلعان.
