Qazaqstanda 2024 jyldyń III toqsanynda jalpy salmaǵy 475,5 keli bolatyn 14 000-ǵa jýyq altyn quıma satyldy. Bul týraly búgin Ulttyq banktiń baspasóz qyzmeti jazdy, dep habarlaıdy «Adyrna» tilshisi.
Halyqqa tazartylǵan altyn quımalardy satý jáne satyp alý baǵdarlamasyn Ulttyq Bank 2017 jyly iske qosqan bolatyn. Baǵdarlama qolǵa alynǵaly jalpy salmaǵy 7,4 tonna 199 235 altyn quıma satyldy.
«Altyn quımalar bes túrli salmaqta usynylady: 5, 10, 20, 50 jáne 100 g. Satyp alýshylar arasynda óte joǵary suranysqa ıe túri – 10 gramdyq altyn quıma. Jalpy satylǵan quımalar arasynda onyń úlesi 24% – 48 629 dana. Odan keıin 100 gramdyq altyn quıma – 47 227 dana (24%), 5 gramdyq quıma – 44 127 dana (22%), 20 gramdyq quıma – 31 612 dana (16%), jáne 50 grammdyq quıma – 27 640 dana (14%)»,—delingen habarlamada.
Ulttyq banktiń málimetinshe, altyn quımalardyń eń kóp bóligi Almaty (8 101 dana, 58%), Shymkent (1 279 dana, 9%) jáne Astanada (1 243 dana, 9%) satylǵan.
