مەملەكەت باسشىسى قاسىم-جومارت توقاەۆتىڭ تاپسىرماسى بويىنشا بۇقتىرما سۋ قويماسى ارقىلى وتەتىن ەلىمىزدەگى ەڭ ۇزىن كوپىر اشىلدى، دەپ حابارلايدى «ادىرنا» ءتىلشىسى.
كوپىر التى اۋداندى – كۇرشىم، ۇلكەن نارىن، مارقاكول، كاتونقاراعاي، تارباعاتاي جانەزايسان اۋداندارىن بايلانىستىرادى.
بۇگىن، 21 قازاندا كولىك ءمينيسترى مارات قاراباەۆ پرەمەر-مينيسترگە ۇزىندىعى 1316 مەتر ەكى جولاقتى اۆتوموبيل كوپىرىنىڭ قۇرىلىسى اياقتالعانى تۋرالى باياندادى. كوپىر تاۋلىگىنە 80 مىڭعا دەيىن كولىك وتكىزە الادى، وتكەلگە 18 شاقىرىم جاڭا جول تارتىلدى. جوبا وزىق ينجەنەرلىك تەحنولوگيالاردى قولدانا وتىرىپ جانە بارلىق ساپا ستاندارتتارىنا سايكەس ىسكە اسىرىلدى.
«جاڭا كوپىر مەملەكەت باسشىسىنىڭ تاپسىرماسى بويىنشا تۇرعىنداردىڭ جايلىلىعى مەن قاۋىپسىزدىگىن ارتتىرۋ ماقساتىندا سالىندى. ايماقتا تۇرعىندار 50 جىل بويى جازدا نە پاروممەن، قىستا تىكەلەي نە مۇز ۇستىمەن جۇرگەنىن بىلەسىزدەر. قۇرىلىستىڭ سالىنۋىن جەرگىلىكتى تۇرعىندار ۇزاق كۇتتى»، — دەپ اتاپ ءوتتى پرەمەر-مينيستر ولجاس بەكتەنوۆ.
