Memleket basshysy Qasym-Jomart Toqaevtyń tapsyrmasy boıynsha Buqtyrma sý qoımasy arqyly ótetin elimizdegi eń uzyn kópir ashyldy, dep habarlaıdy «Adyrna» tilshisi.
Kópir alty aýdandy – Kúrshim, Úlken Naryn, Marqakól, Katonqaraǵaı, Tarbaǵataı jáneZaısan aýdandaryn baılanystyrady.
Búgin, 21 qazanda Kólik mınıstri Marat Qarabaev premer-mınıstrge uzyndyǵy 1316 metr eki jolaqty avtomobıl kópiriniń qurylysy aıaqtalǵany týraly baıandady. Kópir táýligine 80 myńǵa deıin kólik ótkize alady, ótkelge 18 shaqyrym jańa jol tartyldy. Joba ozyq ınjenerlik tehnologııalardy qoldana otyryp jáne barlyq sapa standarttaryna sáıkes iske asyryldy.
«Jańa kópir Memleket basshysynyń tapsyrmasy boıynsha turǵyndardyń jaılylyǵy men qaýipsizdigin arttyrý maqsatynda salyndy. Aımaqta turǵyndar 50 jyl boıy jazda ne parommen, qysta tikeleı ne muz ústimen júrgenin bilesizder. Qurylystyń salynýyn jergilikti turǵyndar uzaq kútti», — dep atap ótti Premer-mınıstr Oljas Bektenov.
