قاراعاندى قالاسىنىڭ اكىمى مەيرام قوجىقوۆ چەتسكايا كوشەسىنىڭ بويىنداعى جولعا جۇرگىزىلگەن كۇردەلى جوندەۋ جۇمىستارىنىڭ اياقتالىپ قالعانىن ايتتى، دەپ حابارلايدى «ادىرنا» ءتىلشىسى.
«الاقاي! دوستار، ەرتەڭنەن باستاپ ماعان ۇرىسپايتىندارىڭىزعا قۋانىپ وتىرمىن. مەن دە بۇل ءساتتى قاتتى كۇتتىم. چەتسكايا كوشەسىندەگى كۇردەلى جوندەۋ جۇمىستارى اياقتالىپ قالدى. وتە قۋانىشتىمىن!»— دەدى ول.
سونداي-اق اكىم جوندەۋ جۇمىستارىنىڭ نە سەبەپتى كەشىكتىرىلگەنىن ءتۇسىندىردى.
«بىرىنشىدەن، جول وتە ۇزاق. 4,5 شاقىرىم ءبىر جاز ماۋسىمى ءۇشىن وتە كوپ. ەكىنشىدەن، ءبىز جول استىنداعى باستاپقى زەرتتەۋ كەزىندە كورىنبەگەن كوپتەگەن جەلىنى تاپتىق. بولاشاقتا اپات بولا قالسا، جاڭا جول جامىلعىسىن بۇزباۋ ءۇشىن ولاردى باسقا جەرگە كوشىردىك. ۇشىنشىدەن، ەكى جەرۇستى جىلۋ كومپەنساتورىن جەراستىنا اۋىستىرۋ كوپ ۋاقىتتى قاجەت ەتتى. تورتىنشىدەن، جاڭبىر سۋىنىڭ جاڭا جۇيەسىن ورناتتىق. بەسىنشىدەن، كوشە قيىلىستارىن قالپىنا كەلتىرۋ جۇمىستارىن جۇرگىزىپ، سىرتقى جارىقتاندىرۋدىڭ جاڭا جەلىسىن ورناتتىق", – دەدى مەيرام قوجىقوۆ.
