Qaraǵandy qalasynyń ákimi Meıram Qojyqov Chetskaıa kóshesiniń boıyndaǵy jolǵa júrgizilgen kúrdeli jóndeý jumystarynyń aıaqtalyp qalǵanyn aıtty, dep habarlaıdy «Adyrna» tilshisi.
«Alaqaı! Dostar, erteńnen bastap maǵan uryspaıtyndaryńyzǵa qýanyp otyrmyn. Men de bul sátti qatty kúttim. Chetskaıa kóshesindegi kúrdeli jóndeý jumystary aıaqtalyp qaldy. Óte qýanyshtymyn!»— dedi ol.
Sondaı-aq ákim jóndeý jumystarynyń ne sebepti keshiktirilgenin túsindirdi.
«Birinshiden, jol óte uzaq. 4,5 shaqyrym bir jaz maýsymy úshin óte kóp. Ekinshiden, biz jol astyndaǵy bastapqy zertteý kezinde kórinbegen kóptegen jelini taptyq. Bolashaqta apat bola qalsa, jańa jol jamylǵysyn buzbaý úshin olardy basqa jerge kóshirdik. Úshinshiden, eki jerústi jylý kompensatoryn jerastyna aýystyrý kóp ýaqytty qajet etti. Tórtinshiden, jańbyr sýynyń jańa júıesin ornattyq. Besinshiden, kóshe qıylystaryn qalpyna keltirý jumystaryn júrgizip, syrtqy jaryqtandyrýdyń jańa jelisin ornattyq", – dedi Meıram Qojyqov.
