اقش-تاعى پرەزيدەنت سايلاۋىنا رەسپۋبليكالىق پارتيادان ءتۇسىپ جاتقان كانديدات، بۇرىنعى پرەزيدەنت دونالد ترامپ دونالد ترامپ پەنسيلۆانيا شتاتىندا McDonald's فاست-فۋد جەلىسىنىڭ قىزمەتكەرى بولىپ جۇمىس ىستەدى، دەپ حابارلايدى «ادىرنا» ءتىلشىسى.
ساياساتكەر فيستەرۆيل قالاسىنداعى McDonald's مەيرامحانالارىنىڭ بىرىندە بىرنەشە پورتسيا فري جاسادى. جارتى ساعاتتىق اۋىسىم اياقتالعاننان كەيىن ترامپ جۋرناليستەرمەن سويلەستى.
ول باق وكىلدەرىنە بۇل مەكەمەدە جۇمىس ىستەۋ ۇناعانىن مالىمدەدى. سونداي-اق ەكس-پرەزيدەنت يزرايل پرەمەر-ءمينيسترى بەنيامين نەتانياحۋمەن بايلانىسقانىن جەتكىزدى. يزرايل بيلىگى اقش پرەزيدەنتى دجو بايدەندى تىڭداماعاندىقتان، قازىر قاۋىپسىز ەكەنىن اتاپ ءوتتى.
ودان بولەك، ترامپ دەموكراتيالىق سايلاۋالدى قارسىلاسى، اقش ۆيتسە-پرەزيدەنتى كامالا ءحارريستى تۋعان كۇنىمەن قۇتتىقتاپ، وعان قۋىرىلعان كارتوپ تاياقشالارىن سىيلايتىنىن مالىمدەدى.
