قىتاي حالىق رەسپۋبليكاسىنىڭ توراعاسى سي تسزينپين ەلدىڭ قارۋلى كۇشتەرىنە سوعىسقا دايىندىقتى كۇشەيتۋدى بۇيىردى. ول بۇل مالىمدەمەنى تايۆان ماڭىنداعى «بىرلەسكەن سەمسەر-2024B» وقۋ-جاتتىعۋدان كەيىن جاسادى، دەپ حابارلايدى «ادىرنا» ءتىلشىسى.
سي تسزينپين قىتاي حالىق-ازاتتىق ارمياسىنىڭ زىمىران كۇشتەرىمەن كەزدەسۋىندە اسكەرلەردى «سوعىسقا جان-جاقتى دايىندىقتى كۇشەيتۋگە» جانە «بەرىك سوعىس قابىلەتتىلىگىن» قامتاماسىز ەتۋگە شاقىردى. سونداي-اق قارۋلى كۇشتەردىڭ ساپالى دامۋى مەن ولاردىڭ ستراتەگيالىق كۇشىن نىعايتۋدى تالاپ ەتتى.
«ناقتى جاۋىنگەرلىك قابىلەتتەر مەن ستراتەگيالىق تەجەۋ مۇمكىندىكتەرىن ارتتىرىپ، پارتيا مەن حالىق العا قويعان ءتۇرلى مىندەتتەردى تاباندى تۇردە ورىنداۋ قاجەت»،— دەدى ول.
ەسكە سالايىق، 14 قازاندا قىتاي ارمياسى تايۆان توڭىرەگىندەگى سۋدا بىرلەسكەن قىلىش جاتتىعۋلارىن وتكىزگەن بولاتىن. اعا پولكوۆنيك لي سي وقۋ-جاتتىعۋ تايۆان تاۋەلسىزدىگىنە ۇمتىلعان سەپاراتيستىك كۇشتەرگە «قۋاتتى توسقاۋىل» بولاتىنىن اتاپ ءوتتى.
