Qytaı Halyq Respýblıkasynyń tóraǵasy Sı zınpın eldiń qarýly kúshterine soǵysqa daıyndyqty kúsheıtýdi buıyrdy. Ol bul málimdemeni Taıvan mańyndaǵy «Birlesken semser-2024B» oqý-jattyǵýdan keıin jasady, dep habarlaıdy «Adyrna» tilshisi.
Sı zınpın Qytaı Halyq-azattyq armııasynyń Zymyran kúshterimen kezdesýinde áskerlerdi «soǵysqa jan-jaqty daıyndyqty kúsheıtýge» jáne «berik soǵys qabilettiligin» qamtamasyz etýge shaqyrdy. Sondaı-aq qarýly kúshterdiń sapaly damýy men olardyń strategııalyq kúshin nyǵaıtýdy talap etti.
«Naqty jaýyngerlik qabiletter men strategııalyq tejeý múmkindikterin arttyryp, partııa men halyq alǵa qoıǵan túrli mindetterdi tabandy túrde oryndaý qajet»,— dedi ol.
Eske salaıyq, 14 qazanda Qytaı armııasy Taıvan tóńiregindegi sýda birlesken qylysh jattyǵýlaryn ótkizgen bolatyn. Aǵa polkovnık Lı Sı oqý-jattyǵý Taıvan táýelsizdigine umtylǵan separatıstik kúshterge «qýatty tosqaýyl» bolatynyn atap ótti.
