ۇلان-باتىردا الەمنىڭ 100-دەن استام ەلىنەن كەلگەن كوشپەلى قاۋىمداستىقتار، ازاماتتىق قوعام ۇيىمدارى، ۋنيۆەرسيتەتتەر مەن عىلىمي-زەرتتەۋ مەكەمەلەرىنىڭ وكىلدەرى قاتىسقان دۇنيەجۇزىلىك مال وسىرۋشىلەر كونفەرەنتسياسى ءوز جۇمىسىن اياقتادى. بۇل تۋرالى Montsame جازدى، دەپ حابارلايدى «ادىرنا» ءتىلشىسى.
كونفەرەنتسيا قورىتىندىسى بويىنشا دۇنيەجۇزىلىك مال وسىرۋشىلەر دەكلاراتسياسى، ايەل مالشىلار دەكلاراتسياسى جانە جاس مالشىلار دەكلاراتسياسى قابىلدانعان.
ەلدىڭ قورشاعان ورتا جانە كليماتتىڭ وزگەرۋى مينيسترلىگىنىڭ مەملەكەتتىك حاتشىسى شيلەگين باتبايار اتالعان قۇجاتتار 17 تامىزدا ۇلان-باتىردا باستالاتىن COP17 كونفەرەنتسياسىندا تانىستىرىلاتىنىن مالىمدەدى. ونىڭ ايتۋىنشا، موڭعوليا مال وسىرۋشىلەردىڭ باستامالارىن جەردىڭ توزۋىنىڭ الدىن الۋ جانە ونى قالپىنا كەلتىرۋ، قۇرعاقشىلىقپەن كۇرەس، سۋمەن قامتاماسىز ەتۋ، ازىق-تۇلىك جۇيەلەرى مەن قارجىلاندىرۋ ماسەلەلەرىن تالقىلاۋ ۇدەرىسىنە ەنگىزۋگە كۇش سالماق.
كونفەرەنتسياعا 100-دەن استام ەلدەن كەلگەن شامامەن 240 وكىل، سونداي-اق موڭعوليانىڭ 100-دەن استام مال ءوسىرۋشىسى قاتىسقان.
