مولدوۆادا پرەزيدەنت سايلاۋى مەن ەۋروپالىق وداققا كىرۋ بويىنشا رەفەرەندۋم ءبىر ۋاقىتتا ءوتىپ جاتىر، دەپ حابارلايدى «ادىرنا» ۇلتتىق پورتالى Deutsche Welle-گە سىلتەمە جاساپ.
جەرگىلىكتى ۋاقىت بويىنشا ساعات 7:00-دە 2 مىڭعا جۋىق سايلاۋ ۋچاسكەسى اشىلدى. داۋىس بەرۋشىلەرگە ەكى بيۋللەتەن بەرىلەدى. ءبىرىنشىسى، سۇر ءتۇستى ول جەردە پرەزيدەنتتىككە كانديداتتار ءتىزىمى بار. ال ەكىنشىسى، كۇلگىن ءتۇستى. وندا كونستيتۋتسياعا ەنگىزىلگەن تۇزەتۋلەر ءماتىنى جانە مولدوۆانىڭ ەۋروپالىق وداققا قوسىلۋ ماقساتىمەن كونستيتۋتسيانى وزگەرتۋىنە قاتىستى سۇراق جازىلعان.
باسىلىمنىڭ حابارلاۋىنشا، داۋىس بەرۋ جارامدى دەپ تانىلۋى ءۇشىن حالىقتىڭ 33 پايىزى قاتىسۋى كەرەك. ەلدىڭ جاڭا پرەزيدەنتى ءابسوليۋتتى كوپشىلىك داۋىسقا يە بولعان كانديدات بولادى. ەگەر ەشكىم مۇنداي قولداۋعا يە بولماسا، وندا ەكى اپتادان كەيىن پرەزيدەنتتىك سايلاۋدىڭ ەكىنشى كەزەڭى وتەدى.
سايلاۋ ۋچاسكەلەرى جەرگىلىكتى ۋاقىت بويىنشا ساعات 20:00-دە جابىلادى، الدىن الا ناتيجەلەر 21:00-دە شىعادى دەپ كۇتىلۋدە.
ايتا كەتەيىك، سۇر ءتۇستى بيۋللەتەندە مولدوۆا پرەزيدەنتى لاۋازىمىنا 11 ۇمىتكەر ۇسىنىلعان. بىراق ولاردىڭ ەكەۋى عانا كوپشىلىكتىڭ نازارىن اۋدارادى. قازىرگى ەۋروپاشىل پرەزيدەنت مايا ساندۋ جانە ونىڭ باستى باسەكەلەسى، رەسەيشىل وپپوزيتسيالىق سوتسياليستەر پارتياسى (پسرم) قولداعان بۇرىنعى باس پروكۋرور الەكساندرۋ ستويانوگلو.
