اقمولا وبلىسىنىڭ بەستوبە اۋىلىندا جەتىنشى بالاسىنا جۇكتى بولعان 34 جاستاعى التى بالانىڭ اناسى جەدەل جاردەم كەلگەنشە قايتىس بولدى، دەپ حابارلايدى «ادىرنا» ۇلتتىق پورتالى.
قايعىلى وقيعا 18 قازان كۇنى كەشكە ورىن العان. ايەل ۇيدە وتباسىمەن بىرگە بولعان. ول ءوزىن ناشار سەزىنىپ، شارشاپ تۇرعانىن ايتىپ، جاتۋعا بەل بۋعان. سودان كەيىن، تۋىستارى ونى ءولى كۇيىندە تاپقان.
جەدەل جاردەم دارىگەرلەرى جۇكتىلىكتىڭ 34-اپتاسىنداعى ايەلدىڭ ولار كەلگەنشە قايتىس بولعانىن راستادى. ءولىمنىڭ الدىن الا سەبەبى - جەدەل جۇرەك جەتكىلىكسىزدىگى. زورلىق-زومبىلىقتىڭ ءىزى تابىلمادى.
پوليتسەيلەر بەستوبە تۇرعىنىنىڭ ولىمىنە قاتىستى سوتقا دەيىنگى تەرگەپ-تەكسەرۋ جۇمىستارى باستالعانىن، ساراپتامالار مەن تەرگەۋ امالدارى جۇرگىزىلىپ جاتقانىن حابارلادى. قىلمىستىق كودەكستىڭ بابىنا سايكەس، وزگە مالىمەتتەردى جاريا ەتۋگە بولمايدى.
