Aqmola oblysynyń Bestóbe aýylynda jetinshi balasyna júkti bolǵan 34 jastaǵy alty balanyń anasy jedel járdem kelgenshe qaıtys boldy, dep habarlaıdy «Adyrna» ulttyq portaly.
Qaıǵyly oqıǵa 18 qazan kúni keshke oryn alǵan. Áıel úıde otbasymen birge bolǵan. Ol ózin nashar sezinip, sharshap turǵanyn aıtyp, jatýǵa bel býǵan. Sodan keıin, týystary ony óli kúıinde tapqan.
Jedel járdem dárigerleri júktiliktiń 34-aptasyndaǵy áıeldiń olar kelgenshe qaıtys bolǵanyn rastady. Ólimniń aldyn ala sebebi - jedel júrek jetkiliksizdigi. Zorlyq-zombylyqtyń izi tabylmady.
Polıeıler Bestóbe turǵynynyń ólimine qatysty sotqa deıingi tergep-tekserý jumystary bastalǵanyn, saraptamalar men tergeý amaldary júrgizilip jatqanyn habarlady. Qylmystyq kodekstiń babyna sáıkes, ózge málimetterdi jarııa etýge bolmaıdy.
