قازاقستاننىڭ 11 وبلىسىندا 19 قازانعا داۋىلدى ەسكەرتۋ جاريالاندى، دەپ حابارلايدى «ادىرنا» ۇلتتىق پورتالى «قازگيدرومەت» رمك ءباسپاسوز قىزمەتىنە سىلتەمە جاساپ.
باتىس قازاقستان وبلىسىنىڭ وڭتۇستىگىندە، سولتۇستىك-باتىسىندا قاتتى جاڭبىر جاۋادى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا تۇمان كۇتىلەدى. كۇندىز وبلىستىڭ سولتۇستىگىندە، سولتۇستىك-باتىسىندا، شىعىسىندا ەكپىنى 15-20 م/س جەل سوعادى. ورال قالاسىندا تۇندە جانە تاڭەرتەڭ تۇمان كۇتىلەدى. سولتۇستىك-باتىسىندا كۇندىز ەكپىنى 18 م/س جەل سوعۋى ىقتيمال.
تۇندە اتىراۋ وبلىسىنىڭ وڭتۇستىك-شىعىسىندا قاتتى جاڭبىر جاۋادى. تاڭەرتەڭ جانە تۇندە وبلىستىڭ باتىسىندا، سولتۇستىگىندە، وڭتۇستىگىندە تۇمان بولادى. جەل وڭتۇستىك-شىعىستان سولتۇستىك-باتىسقا اۋىسىپ، تۇندە وبلىستىڭ سولتۇستىگىندەگى جانە شىعىسىنداعى ەكپىنى 17-22 م/س-قا جەتەدى.
اقتوبە وبلىسىندا ەكپىنى 15-20 م/س جەل سوعادى دەپ كۇتىلۋدە.
كۇندىز الماتى وبلىسىمەن قوناەۆتا 17-22 م/س جەل بولادى دەپ كۇتىلۋدە.
تۇندە جانە تاڭەرتەڭ سولتۇستىك قازاقستان وبلىسىنىڭ باتىسىندا جانە پەتروپاۆلدا تۇمان كۇتىلەدى.
كۇندىز قىزىلوردا وبلىسىنىڭ باتىسىندا نايزاعاي بولىپ، داۋىل سوعۋى ىقتيمال.
تۇندە ماڭعىستاۋ وبلىسىنىڭ ورتالىعىندا قاتتى جاڭبىر جاۋادى. كۇندىز وبلىستىڭ باتىسىندا، سولتۇستىگىندە، شىعىسىندا نايزاعاي كۇتىلەدى. تۇندە وبلىستىڭ سولتۇستىگىندە، شىعىسىندا 15-20 م/س جەل سوعادى.
تۇندە جانە تاڭەرتەڭ اباي وبلىسىنىڭ ورتالىعىنداع باتىسىندا، سولتۇستىگىندە تۇمان كۇتىلسە، شىعىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە كوكتايعاق بولۋى مۇمكىن.
جامبىل وبلىسىنىڭ تاۋلى اۋداندارىندا تۇمان كۇتىلەدى. سونىمەن قاتار،15-20 م/س جەل سوعۋى ىقتيمال.
تۇندە جانە تاڭەرتەڭ جەتىسۋ وبلىسىنىڭ تاۋلى اۋداندارىندا تۇمان كۇتىلەدى. تالدىقورعاندا تۇندە 5-7 گرادۋس اياز كۇتىلەدى.
