شەرزات بولاتتىڭ ولىمىنە بايلانىستى تاعى ءبىر كۇدىكتى ۇستالدى، دەپ حابارلايدى «ادىرنا»ۇلتتىق پورتالى.
بۇل تۋرالى 2024 جىلعى 18 قازاندا الماتى وبلىستىق پوليتسيا دەپارتامەنتى مالىمدەدى.
«17 قازاندا كامەلەتكە تولماعان ش. بولاتتىڭ ولىمىنە قاتىستى قىلمىستىق ءىستى تەرگەۋ اياسىندا تاعى ءبىر كۇدىكتى — ازامات ك. ۇستالدى»، — دەلىنگەن جۇما كۇنى Instagram جەلىسىندە جاريالانعان حابارلامادا.
قۇزىرلى ورگاندار قازىرگى ۋاقىتتا بولعان وقيعانىڭ بارلىق ءمان-جايىن انىقتاۋعا باعىتتالعان جەدەل-تەرگەۋ شارالارىن جالعاستىرۋدا.
«تەرگەۋ بارىسى ىشكى ىستەر ءمينيسترىنىڭ باقىلاۋىندا»، — دەپ اتاپ ءوتتى الماتى وبلىستىق پوليتسيا دەپارتامەنتى.
