ماڭعىستاۋ وبلىسىنىڭ قاراقيا اۋدانىندا ءىرى جول-كولىك وقيعاسى بولىپ، 10 ادام كوز جۇمدى، دەپ حابارلايدى "ادىرنا" ۇلتتىق پورتالى.
بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتىنە جەلىدەگى پاراقشاسىندا جاريالاعان.
قايعىلى وقيعا 11 قىركۇيەكتە سەنەك اۋىلىنان 90 شاقىرىم قاشىقتىقتا تىركەلگەن.
رەسمي مالىمەتكە سايكەس، «Toyota Hiace» ماركالى اۆتوكولىكتىڭ جۇرگىزۋشىسى رولگە يە بولا الماي، كولىك جول شەتىنە اۋدارىلىپ كەتكەن. اپات سالدارىنان سەگىز ادام وقيعا ورنىندا كوز جۇمسا، تاعى ەكەۋى اۋرۋحاناعا جەتكىزۋ بارىسىندا قايتىس بولعان.
جۇرگىزۋشى مەن ەكى جولاۋشى ءتۇرلى جاراقاتتارمەن اۋرۋحاناعا جاتقىزىلدى. اتالعان دەرەك بويىنشا قىلمىستىق ءىس قوزعالدى.
وقيعانىڭ ءمان-جايىن انىقتاۋ ءۇشىن سوتقا دەيىنگى تەرگەۋ ءجۇرىپ جاتىر، قاجەتتى ساراپتامالار تاعايىندالدى.
