تالدىقورعان قالاسىنىڭ جەرگىلىكتى پوليتسيا قىزمەتىنىڭ باسشىسى جانجالدى ۆيدەودان كەيىن قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى جەتىسۋ وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
جەلتوقسان ايىندا الەۋمەتتىك جەلىلەردە ەكى ادامنىڭ تەلەفونمەن سويلەسكەن ۆيدەوسى تارادى.
بەينەجازبادا پوليتسيا قىزمەتكەرى جەتىسۋ وبلىسى اكىمى ورىنباسارىنىڭ ايەلىن جول ەرەجەسىن بۇزعانى ءۇشىن زاڭدى تۇردە راسىمدەمەك بولعان، بىراق وعان «223» بەلگىسى بار پولكوۆنيك تەلەفون سوعىپ، كىنالى ايەلدى بوساتۋدى تالاپ ەتكەن.
اتالعان فاكتى بويىنشا ءوڭىردىڭ پوليتسيا دەپارتامەنتى قىزمەتتىك تەكسەرۋ جۇرگىزىلگەنىن ناقتىلادى.
"تەرگەۋ قورىتىندىسى بويىنشا قالالىق پوليتسيا قىزمەتىنىڭ باستىعى قىزمەتىنەن بوساتىلدى. سونداي – اق جەكە قۇرامعا بارلىق قۇقىق بۇزۋشىلىقتارعا نولدىك توزىمدىلىك قاعيداتىن قاتاڭ ساقتاۋ تۋرالى تالاپ جەتكىزىلدى", - دەپ قورىتىندىلادى پوليتسيا دەپارتامەنتى.
"ادىرنا" ۇلتتىق پورتالى
