ساۋداگەر سپورتشىعا اينالعان جوبا

2730
Adyrna.kz Telegram

قوعامدىق دامۋ باسقارماسىنىڭ قولداۋىمەن ۇيىمداستىرىلعان شارادا قۇقىق پەداگوگيكاسىنىڭ ماگيسترى، تولستاعى پولكوۆنيك، «دۇيسەنبىلىك سپورت-2019» الەۋمەتتىك جوبا جەتەكشىسى مۇحامەدجان ابدىبەكوۆ سۇحبات بەرگەن ەدى. سپورتتىق تاقىرىپتى كەڭىنەن قوزعاعان سۇبەلى اڭگىمەمىزدى وسكەلەڭ ۇرپاققا ۇسىنامىز.

«دۇيسەنبىلىك سپورت-2019» مەملەكەتتىك-الەۋمەتتىك جوباسىن ۇيىمداستىرىپ جاتىرسىز. جوبانىڭ نەگىزگى ماقساتى قانداي؟

«دۇيسەنبىلىك سپورت-2019» مەملەكەتتىك-الەۋمەتتىك جوباسىنىڭ نەگىزگى ماقساتى بۇقارالىق سپورت سالاسىندا ساۋدا مەكەمەلەرىندە قىزمەت جاساپ جاتقان جاستاردىڭ دەنە شىنىقتىرۋمەن جانە سپورتپەن جۇيەلى تۇردە شۇعىلدانۋىن بەلسەندى باعىتتا قامتۋدى ۇلعايتۋ، قازاقستاننىڭ جاستارى ساياساتىنىڭ قوعامعا قاجەتتى جانە پايدالى جۇمىس باعىتتارىنا جان-جاقتى ءتيىمدى قولداۋ كورسەتۋ، قازاقستان وتانشىلدىعى مەن ەلدىگى قاسيەتىن، سونداي-اق، اتا-بابامىزدىڭ سالت-ءداستۇرى، ادەپ-عۇرىپى مەن قاسيەتتى ۇلتتىق قۇندىلىقتارىن دارىپتەپ، سالاۋاتتى ءومىر سالتىن ناسيحاتتاۋ. ياعني جاستاردىڭ بوس ۋاقىتىن ءتيىمدى پايدالانۋعا نەگىزدەلەدى.

تاماشا! بۇل جوبا نەگە «دۇيسەنبىلىك سپورت-2019» دەپ اتالعان؟ دۇيسەنبىدە عانا ۇيىمداستىرىلا ما سوندا؟

ءدال سولاي، قىزىم. بۇل جوبا نەگىزىنەن بازار جۇمىسشىلارىنا ارنالعان. بازار جۇمىسشىلارىنىڭ جۇمىسقا بەرىلىپ كەتكەنى سونشالىق، سپورتتى ويلاۋعا شاماسى دا كەلمەي جاتادى. سوندىقتان بازارشىلاردىڭ دەمالىس كۇنى دۇيسەنبى بولعاندىقتان «دۇيسەنبىلىك سپورت-2019» دەپ اتادىق.

جوبا سپورتتىڭ قانداي تۇرلەرىن قامتيدى؟

فۋتبول، ۆولەيبول.

فۋتبول مەن ۆولەيبول سپورت تۇرلەرىنەن وتەتىن سايىستىڭ جالپى ەرەجەسى قانداي؟

سايىستار ءار دۇيسەنبىدە، ياعني ساۋدا مەكەمەلەرى قىزمەتكەرلەرىنىڭ جۇمىستان بوس كۇندەرى وتەدى. سپورتتىڭ فۋتبول تۇرىنەن وتەتىن سايىستار ويىننىڭ ۇلكەن سوڭى بولاتىن كۇندى قوسقاندا، 8 دۇيسەبىنى قامتيتىن بولادى. سپورتتىڭ ۆولەيبول تۇرىنەن وتەتىن سايىستار دا وسى ىسپەتتى. ءار ساۋدا مەكەمەلەرى كومانداسىنىڭ قۇرامى 6 ويىنشىنى قۇرايدى، قوسىمشا تولىستا 2-3 ويىنشى قامتۋعا بولادى. ءبىر تايىم ويىننىڭ ۇزاقتىعى 10 مينۋت، ءار كوماندا قارسىلاسىمەن ەكى تايىم ويىن وتكىزەدى، ناتيجەسىندە ءبىر ويىن 5 مينۋت ءۇزىلىس ۋاقىتىمەن 25 ءمينۋتتى قۇرايدى. فۋتبول ويىندارى شەڭبەرلىك ءتاسىل نەگىزىندە وتەدى. ءبىر كۇندە – 2 توپتىڭ ويىنى 2 الاڭدا وتكىزىلەدى، ءار توپتا – 6 ويىننان بولادى، بارلىعى 12 ويىن. 6 ويىنعا – 150 مينۋت كەتەدى، ول كەمىندە ءۇش ساعاتتى قۇرايدى. كومانداعا ساۋدا مەكەمەسى قىزمەتكەرىنەن تىس ادام كىرگەنى ايقىندالسا، ول كوماندا ويىننان شەتتەتىلەدى جانە جەڭىلگەن كوماندا بولىپ سانالادى. كوماندا ويىنشىلارىنىڭ كيىم-كەشەگى ءبىر كەلكى، ال ءار ساۋدا ورنىنىڭ كوماندالارىنىڭ وزىنە ءتيىستى كيىم ۇلگىسى بولۋى قاجەت جانە كوماندادا ساۋدا مەكەمەلەرىنىڭ اتى جاسالعان تاقتايشا بولۋى كەرەك. سايىس بارىسىندا ويىن ەرەجەلەرىن بۇزۋ قاتاڭ جازالانادى، ياعني ەرەجەلەردى بۇزۋعا جانە قوعامدىق ءتارتىپتى بۇزۋعا قاتاڭ تۇردە تيىم سالىنادى.تورەشىنىڭ پارمەنى زاڭ، وعان كوماندا جانە ونىڭ مۇشەلەرى تاراپىنان قارسىلىق كورسەتىلسە، ايىپ رەتىندە كوماندا جەڭىلىسكە ۇشىرايدى نەمەسە جەڭىلىس تاعىلىپ ويىننان قۋىلادى. ءار كوماندا كاپيتانى ۇيىمداستىرۋشى مەكەمەگە سايىسقا قاتىسۋشى ويىنشىلاردىڭ تەگى، اتى-ءجونى، جەكە كۋالىك مالىمەتى كورسەتىلگەن جانە قاۋىپسىزدىك پەن ءتارتىپ شارالارىمەن ءار ويىنشى تانىستى دەگەن ساۋدا مەكەمەسى اكىمشىلىگىنىڭ ءمورى باسىلعان ءتىزىمدى ۇسىنادى.

 


جوبانىڭ جۇلدەلەرى جاقسى شىعار؟!

سايىستىڭ جالپى جۇلدە قورى ءۇش ميلليوننان استام تەنگەنى قۇراپ، سونىڭ ىشىندە جەڭىمپاز كوماندالارعا ديپلوم، كۋبوك جانە كوماندا مۇشەلەرىنە مەدال مەن ماداقتاما تارتۋ ەتىلەدى. سونداي-اق، ءبىرىنشى ورىن ءۇشىن كومانداعا ءجۇز ەلۋ مىڭ تەنگە، ەكىنشى ورىن ءۇشىن كومانداعا ءجۇز مىڭ تەنگە، ءۇشىنشى ورىن ءۇشىن كومانداعا ەلۋ مىڭ تەنگە، ءتورتىنشى ورىن ءۇشىن كومانداعا وتىز مىڭ تەنگە اقشالاي سىيلىقتار بەرىلەدى.

جوباعا قانشا بازار قاتىستى؟

جالپى جوباعا 32 كوماندا قاتىستى. سولاردىڭ ىشىنەن گراندفينالعا 4 كوماندا شىقتى.
تاماشا! 32 كوماندانى ۇيىمداستىرۋ وڭايعا سوقپاسى انىق! جوبانىڭ جۇزەگە اسۋىنا مۇرىندىق بولعاندار كىمدەر؟
2019 جىلى ۇيىمداستىرىپ وتكىزۋ قىزمەتى، ءبىرىنشى رەت «ادىرنا» ۇلتتىق ەتنوگرافيالىق بىرلەستىگى» قوعامدىق قورىنا جۇكتەلدى. ال ۇيىتقى بولعان الماتى قالاسىنىڭ قوعامدىق دامۋ باسقارماسى.

 

سايىستىڭ جۇلدەلەرى قانداي بولماق؟

سايىستىڭ جالپى جۇلدە قورى ءۇش ميلليوننان استام تەنگەنى قۇراپ، سونىڭ ىشىندە جەڭىمپاز كوماندالارعا ديپلوم، بايگە ىدىس (كۋبوك) جانە كوماندا مۇشەلەرىنە مەدال مەن ماداقتاما بەرىلەدى. سونىمەن قاتار ءار سپورت تۇرىنەن ءبىرىنشى ورىن ءۇشىن كومانداعا ءجۇز ەلۋ مىڭ تەنگە، ەكىنشى ورىن ءۇشىن كومانداعا ءجۇز مىڭ تەنگە، ءۇشىنشى ورىن ءۇشىن كومانداعا ەلۋ مىڭ تەنگە، ءتورتىنشى ورىن ءۇشىن كومانداعا وتىز مىڭ تەنگە، مۇسىنشە «سپورت ءتۇرى جايلى» جانە ماداقتاما كوماندا مۇشەلەرىنە بەرىلەدى.

 

 

سايىس تورەشىلەرى كىمدەر؟

فۋتبول سايىستارىن جۇرگىزەتىن تورەشىلەر: ورازبەكوۆ ايدوس، سوپبەكوۆ دانيار، كابدەنوۆ وڭعار، كاسىمبەك اديلحان، پالتاەۆ رولان، سابالاكوۆ المات، مۋحامەتجانوۆ ارحات. ال ۆولەيبول سايىستارىن جۇرگىزەتىن تورەشىلەر: سابالاكوۆ المات، پالتاەۆ رولان.

سۇحباتتاسقان: اقگۇل ايداربەكوۆا

پىكىرلەر