تالعار اۋدانى اكىمى اپپاراتىنىڭ باسشىسى اسلان قاسىمباەۆ قىزمەتىنەن بوساتىلدى، دەپ حابارلايدى “ادىرنا” ۇلتتىق پورتالى.
تالعار قالاسىندا 16 جاسار شەرزات بولاتتىڭ ولىمىنەن كەيىن، الەۋمەتتىك جەلىلەردە جانە كەيبىر اقپارات قۇرالدارىندا تالعار اۋدانى اكىمدىگى اپپارات باسشىسىنىڭ وسى قىلمىستى جاساعاندارمەن بايلانىسى تۋرالى اقپارات تارادى. ناقتىراق ايتقاندا، اپپارات باسشىسى اسلان قاسىمباەۆ «حۋتورلىق حاسان» دەگەن اتپەن تانىمال قىلمىستىق تۇلعانىڭ تۋعان باۋىرى ەكەنى ايتىلعان ەدى.
سونىمەن قاتار، اۋدان اكىمى مەن ونىڭ ورىنباسارىنا سوگىس جاريالاندى.
«تالعار اۋدانىنىڭ اكىمى ايداربەكوۆ تاڭات ەسەنكەلدىۇلى مەن ونىڭ ورىنباسارى بيداەۆ ايبەك سوگىس تۇرىندەگى تارتىپتىك جاۋاپكەرشىلىككە تارتىلدى»، - دەپ حابارلادى تالعار اۋدانىنىڭ اكىمدىگى.
